न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
काठमाडाैं - १८औं एशियाली खेलकुदमा सहभागी हुन जान लागेका सरकारी पदाधिकारी तथा खेलाडीलाई राष्ट्रपति विद्यादेवी भण्डारीले बिदाई गर्नुभएकाे छ ।
राष्ट्रपति भवन शीतल निवासमा उहाँले इन्डोनेशिया जाने टोलीलाई विदाई गर्नुभएकाे हाे ।
उहाँले नेपाली टोलीका सेफ द मिसन रहेका राष्ट्रिय खेलकूद परिषद् राखेपका सदस्य सचिब केशबकुमार विष्ट, नेपाल ओलम्पिक कमिटिका अध्यक्ष जीवनराम श्रेष्ठ लगाएतलाई राष्ट्रपतिले फूलमाला लगाएर विदाई गर्नुभएकाे थियाे ।
कार्यक्रममा राष्ट्रपति भण्डारीले नेपालको प्रतिनिधित्व गरेर जान लागेका पदाधिकारीलाई विदाई गर्न पाउँदा खुसी लागेको बताउनुभयाे ।
उहाँले नेपालले खेलकुदका माध्यमबाट अन्तर्राष्ट्रिय जगतमा नेपालले नाम राख्न सफल भएको बताउँदै आउँदाे प्रतियोगिता पनि सफल हुने विश्वास व्यक्त गर्नुभयाे ।
नेपालले भदौ २ गते उद्घाटन हुने एशियाली खेलकूदमा २९ खेलमा सहभागिता जनाउँदै छ । अधिकाँश खेलका खेलाडीहरु इन्डोनेशिया पुगिसकेका छन् भने राष्ट्रपतिले विदाई गरेको पदाधिकारीहरु पनि आजै राति त्यसतर्फ प्रस्थान गर्नेछन् ।