चिनियाँ सेन्सरसिप अनुकूल गोप्य रुपमा खोजी इन्जिन (सर्च इन्जिन) निर्माण गर्न लागेको भन्दै गूगलमै कार्यरत एक हजारभन्दा बढी कामदारले विरोध गरेका छन् । 

विरोधस्वरुप तयार पारिएको पत्रमा हस्ताक्षर गरेका उनीहरुले कम्पनीको पारदर्शिता र आचारसंहितालाई पालना गर्न प्रमुख कार्यकारी समक्ष आग्रह गरिएको छ । 

गूगलका एक जना कामदारले पत्रमा समेटिएको विषयका बारेमा भने केही बताउन चाहेनन् । 

तथापि, प्रमुख कार्यकारी समक्ष बुझाइएको उक्त पत्रमा आफूले गरिरहेको कामको बारेमा जान्न पाउने हक रहेको दावी गरिएको छ । ड्रागनफ्लाई नामको गोप्य परियोजना गूगलले सञ्चालन गरिरहेको जानकारी सञ्चार माध्यमबाट मात्र थाहा पाइएको पत्रमा उल्लेख छ । 

अमेरिकी सैनिकसँग भएको यस्तै एक सम्झौताका विषयमा गूगलमा कार्यरत हजारौं कर्मचारीले पत्र लेखेपछि गूगल व्यवस्थापनले यसै वर्षको जुन महिनामा उक्त सम्झौता नवीकरण गरेको थियो ।