कर कार्यालयकाे टाेली अनुगमनमा आउने हल्लापछि महोत्तरीका बजार बन्द

चैत २, २०७७ सोमबार २०:४१:४० | धनवीर महतो

महोत्तरी – प्रादेशिक कर कार्यालय पथलैया बाराबाट स्थानीय पसलमा अनुगमन गर्न टोली आउने हल्लाको पछि लागेर महोत्तरीका प्रमुख व्यापारिक केन्द्र पूर्णरूपमा बन्द भएका छन् ।

कर कार्यालयका टोली अनुगमनमा आउने खबर एकाएक भाइरल भएपछि महाेत्तरीका गौशाला, औरही, रामगोपालपुर र भङ्गहाका व्यापारीले पसल बन्द गरी विरोध जनाएका हुन् ।

स्थायी लेखा नम्बर लिएका तथा कर बीजक लिएका व्यापारीहरूले कर छली गर्दै आएको गोप्य सूचनाको आधारमा टोली अनुगमनमा निस्किएकाे भन्ने हल्लापछि व्यवसायीहरूले पसल बन्द गरेका हुन् । साेमवार तेस्रो दिन पनि यहाँका प्रमुख व्यापारी केन्द्र पूर्णरूपमा बन्द भएका छन् ।

अनुगमनमा खटिएका टोलीलाई स्थानीय व्यवसायीले पारदर्शी रूपमा जाँच गर्न सहयोग गर्नुपर्ने गौशाला उद्योग वाणिज्य सङ्घका अध्यक्ष रामराजाप्रसाद साहले बताउनुभयो । यसरी पसल बन्द गर्दा सेवाग्राही प्रत्यक्ष प्रभावित हुनुका साथै कोरोबारसमेत चौपट हुने भएकोले सहयोगीको भूमिका निर्वाह गर्न अध्यक्ष साहले अनुरोध गर्नुभएको छ ।

यसभन्दा अगाडि पनि स्थानीय व्यापारीलाई कारोबारको सम्बन्धमा प्रशिक्षण दिँदै आएको र आउँदा दिनमा कारोबारीलाई प्रशिक्षणको व्यवस्था दिलाउने अध्यक्ष साहकाे भनाइ छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्