कतारमा आप्रवासी श्रमिकको न्यूनतम तलब कार्यान्वयनमा

चैत ८, २०७७ आइतबार १६:४४:३८ | उज्यालो सहकर्मी

काठमाणडौ – कतार आप्रवासी श्रमिकको न्यूनतम ज्याला निर्धारण गर्ने पहिलो खाडी राष्ट्र बनेको छ । कतार सरकारले यसअघि नै घोषणा गरेको आप्रवासी श्रमिकको न्यूनतम तलब मार्च २० देखि कार्यान्वयनमा आएसँगै कतार आप्रवासी श्रमिकको न्यूनतम तलब निर्धारण गरेर कार्यान्वयनमा ल्याउने खाडीको पहिलो देश भएको अन्तर्राष्ट्रिय सञ्चार माध्यमले जनाएका छन् ।

कतारले न्यूनतम तलब एक हजार कतारी रियाल तोकेको छ । योसँगै श्रमिकहरुले पाउने न्यूनतम भत्ता पनि निर्धारण गरेको छ । यदि रोजगारदाताले खाने र बस्ने व्यवस्था नगरेको खण्डमा अब खाना भत्ता बापत तीन सय रियाल र आवास भत्ता बापत पाँच सय रियाल श्रमिकलाई दिनुपर्ने हुन्छ । खाने बस्ने व्यवस्था रोजगारदाताले नै गरेको अवस्थामा भने श्रमिकले न्यूनतम भत्ता पाउने छैनन् ।

कतार सरकारले यो कानुन कार्यान्वयनमा ल्याएसँगै कतारमा कार्यरत नेपालीलाई पनि फाइदा हुनेछ । न्यूनतम तलब सुविधा अहिले कार्यान्वय भए पनि कतारका पाँच हजार भन्दा बढी कम्पनीले पहिलेदेखि नै न्यूनतम तलब सुविधा कायम गरिसकेको कतार सरकारले जनाएको छ ।

पछिल्लो समय कतार सरकारले श्रमिकको पक्षमा काम गरिरहेको छ । यसअघि कतारले श्रमिकको हितलाई मध्येनजर गर्दैै रोजगारदाता परिवर्तन गर्न पाउने कानुन ल्याएको थियो । २०२० को अन्तिम चौमासिकमा ७८ हजार श्रमिकले यसको फाइदा लिइसकेको कतार सरकारलाई उदृत गर्दै अलजजिराले लेखेको छ । यस्तै एक्जिट भिसा बिना देश छाड्न मिल्ने गरी सन् २०१८ मा कतारले आफ्नो आवासीय कानुनमासमेत परिमार्जन गरेको थियो ।

सन् २०१० मा २०२२ को विश्वकप फुटबल कतारले आयोजना गर्ने भन्ने घोषणा भएदेखि आप्रवासी कामदारलाई लिएर कतार सचेत रहँदै आएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कतारमा आप्रवासी श्रमिकको न्यूनतम तलब कार्यान्वयनमा

फाइल तस्बिर

तपाईको प्रतिक्रिया