माओवादी केन्द्रले चार जना मन्त्रीलाई साधारण सदस्यसमेत नरहने गरी निष्कासन गर्‍याे

चैत २४, २०७७ मंगलबार १८:११:२० | उज्यालो सहकर्मी

काठमाण्डाै – नेकपा माओवादी केन्द्रले चार जना मन्त्रीलाई सांसद र पार्टीको साधारण सदस्यसमेत नरहने गरी पार्टीबाट निष्कासन गरेको छ । अध्यक्ष प्रचण्डले उद्योग मन्त्री लेखराज भट्ट, उर्जा मन्त्री टोपबहादुर रायमाझी, सहरी विकास मन्त्री प्रभु साह र श्रम मन्त्री गौरीशङ्कर चौधरीलाई पार्टी र सांसदबाट हटाएको पत्र माओवादी केन्द्रका मुख्य सचेतक देव गुरुङले सङ्घीय संसद् सचिवालयमा दर्ता गराउनुभएको हो ।

पार्टीको निर्देशन नमानेको, नेतृत्वविरुद्ध लागेको, एमालेमा प्रवेश गरेको लगायतका विषयमा सोधिएको स्पष्टीकरणको जवाफ नदिएको र पार्टीको सम्पर्कमा नआएको भन्दै चार जनालाई हटाइएको माओवादी केन्द्रले जनाएको छ । चारै जनालाई पार्टीले सांसदबाट हटाइसकेकाले उनीहरूकाे पद निलम्बन गर्न पनि माओवादी केन्द्रले संसद् सचिवालयलाई आग्रह गरेको छ ।

राजनीतिक दल त्यागसम्बन्धी ऐन २०७३ को दफा ३१ र ३२ बमोजिम स्पष्टीकरण माग गरी मन्त्रिपरिषदबाट फिर्ता आउन गरिएको निर्देशन अस्वीकार गरेकाले कारबाही गरिएको सङ्घीय संसद् सचिवालयलाई बुझाइएकाे पत्रमा भनिएकाे छ ।

अब कानुनअनुसार लेखराज भट्ट, टोपबहादुर रायमाझी, प्रभु साह र गौरीशङ्कर चौधरीलाई सांसदबाट हटाइएको सूचना सभामुख अग्निप्रसाद सापकोटाले संसद्को चालु अधिवेशनबाटै जानकारी दिनुपर्नेछ ।

माओवादी केन्द्रले गृह मन्त्री रामबहादुर थापालाई पनि राष्ट्रिय सभा सदस्यबाट हटाउने निर्णय गरेको छ । केही दिनपछि यसको जानकारी संसद् सचिवालयमा पुग्ने केन्द्रले जनाएको छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्