कांग्रेस सांसद गुरुङको निलम्बन फुकुवा
बैशाख १२, २०८१ बुधबार
पर्वत – पर्वतमा बाढीले बगाएका दुई जना अझै भेटिएका छैनन् । मध्यपहाडी लोकमार्गमा काम गर्ने लामा कन्स्ट्रक्शनका साइट इन्चार्ज काठमाण्डौ जोरपाटीका राजाराम आचार्य र चालक कैलालीका इन्द्र थारुलाई हिजो गाडीसहित बाढीले बगाएको थियो ।
गाडी झन्डै डेढ किलोमिटर तल मोदी खोलामा भेटिएको तर दिनभरि खोजी गर्दा पनि दुई जनालाई भने पत्ता लगाउन नसकिएको पर्वतका प्रहरी नायब उपरीक्षक (डीएसपी) शिवराज बुढाथोकीले उज्यालो अनलाइनलाई जानकारी दिनुभयो ।
यसअघि स्थानीयवासीले तीन जना बेपत्ता भएको बताए पनि दुई जनामात्रै बेपत्ता भएको खुलेको डीएसपी बुढाथाेकीले बताउनुभयो ।
यसैबीच कुश्मा नगरपालिका ८ दोविल्लामा रहेकाे सुन्दरे खोलामा आएको बाढीले बन्द मध्यपहाडी लोकमार्ग १६ घण्टापछि एकतर्फी रूपमा सञ्चालनमा आएकाे छ । मङ्गलवार राति ११ आएको बाढीले बन्द सडक बुधवार दिउँसाे ५ बजेपछि सञ्चालनमा आएकाे हो ।
पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।