जापानमा कोरोना जोखिम बढेसँगै टोकियो आसपासका क्षेत्रमा पनि लगाइयो प्रतिबन्ध

साउन १६, २०७८ शनिबार १२:५४:५९ | एजेन्सी

काठमाण्डौ – काेराेनाकाे जाेखिम बढेसँगै जापानको राजधानी टोकियोसहित वरपरका क्षेत्र र ओसाका सहरमा प्रतिबन्ध लगाइएको छ ।

टोकियोमा भइरहेको ओलम्पिक खेलको समयमा कोरोनाको जोखिम बढेसँगै आपतकालीन अवस्थामा प्रतिबन्धलाई राजधानी आसपासका क्षेत्रमा पनि विस्तार गरिएको बीबीसीले जनाएको छ । प्रतिबन्धको अवस्थामा होटेल, रेस्टुरेन्ट तथा रक्सी पसल बन्द गरिएका छन् । अहिलेलाई प्रतिबन्ध ३१ अगस्टसम्म लगाइएको हो । संक्रमण बढ्दै गए लम्ब्याइने जनाइएको छ ।

शुक्रबार मात्रै ओलम्पिकमा सहभागी थप २७ जनामा कोरोना संक्रमण देखिएको ओलम्पिक सञ्चालक कमिटीले जनाएको छ । अभूतपूर्व रुपमा कोरोनाको संक्रमण फैलिरहेको भन्दै जापानका प्रधानमन्त्री योसिदी सुगाले ओलम्पिक खेल घरबाटै टिभीमा हेर्न आग्रह पनि गर्नुभएको छ ।

जापानमा डेल्टा भेरियन्ट संक्रमणका नयाँ केसहरु देखिएका छन् । यसअघि जापानका स्वास्थ्यमन्त्री नोरिहिसा तमुराले जापानले कोरोनाको डरलाग्दो रुपको सामना गर्नुपर्ने भन्दै सचेत गराउनुभएको थियो । जापान अहिलेसम्म कोरोना नियन्त्रणमा सफल देखिएको भए पनि पछिल्लो समय बढ्दै गएको संक्रमण दरले अवस्था भयावहतर्फ जानसक्ने बताइएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जापानमा कोरोना जोखिम बढेसँगै टोकियो आसपासका क्षेत्रमा पनि लगाइयो प्रतिबन्ध

फाइल तस्बिर

तपाईको प्रतिक्रिया