तीन दिनसम्म मुख्यमन्त्री निवासमा बन्धक बनाइयो, भागेर उम्कन सफल भएँ : विमला वली

साउन २१, २०७८ बिहीबार १४:१:३१ | उज्यालो सहकर्मी

काठमाण्डौ – लुम्बिनी प्रदेशकी प्रदेश सभा सदस्य विमला वलीले मुख्यमन्त्री शङ्कर पोखरेलको निवासमा आफूलाई बन्धक बनाएर राखिएको र बल्लतल्ल उम्कन सफल भएको बताउनुभएको छ ।

आफू नेकपा माओवादी केन्द्रमा लागेदेखि नै एमाले र मुख्यमन्त्रीले दबाब दिइरहेकोमा अहिले बन्धक बनाउने र एमालेमै बसेर मन्त्री पद खानसमेत प्रलोभन देखाएको बताउनुभएको छ । पत्रकार सम्मलेनमार्फत वलीले आफू साउन १५ गते उपचारका लागि नेपालगञ्ज हिँडेकोमा एमालेका प्रमुख सचेतक भूमिश्वर ढकाल र स्थानीय नेता मानवबहादुर रावतले जबरजस्ती मुख्यमन्त्रीको निवास बुटवल ल्याएको बताउनुभएको छ ।

बुटवल ल्याएपछि आफूलाई १६, १७ र १८ गते त्यहीँ बन्धक बनाइएको र २० गते सबै जना आराम गरिरहेको मौका छोपेर शौचालय जाने चप्पल लगाएरै भाग्न सफल भएको वलीले बताउनुभएको छ ।

मुख्यमन्त्रीको कार्यालयमा एमालेमै रहेको वक्तव्य छपाएर आफूलाई जबरजस्ती हस्ताक्षर गर्न लगाइएको र वक्तव्यको ब्यहोरासमेत नदिइएको विमला वलीको दाबी छ ।

दाङ क्षेत्र नम्बर ३ ‘ख’ बाट उपचुनावमा निर्वाचित हुनुभएकी वली नेकपा विभाजन भएपछि माओवादीमा लाग्नुभएको थियो, पछि उहाँ एमालेमै रहेको वक्तव्य सार्वजनिक भएको थियो । तर आज बिहीवार पत्रकार सम्मेलन गरेर उहाँले आफूलाई मुख्यमन्त्रीको कार्यालयमा बन्धक बनाएर जबरजस्ती वक्तव्यमा हस्ताक्षर गर्न लगाएको भन्दै आफू माओवादी केन्द्रमै रहको प्रष्ट पार्नुभएको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Narayan panthi
Aug. 5, 2021, 6:42 p.m.
केन्द्रमा महेश बस्नेत सहितको जसपा सांसद अपहरणकारी टिमलाई कारबाही नगर्ने हो भने यि एमाले का गुन्डाहरु प्रदेश र स्थानीय तहसम्म अपहरण, गुन्डागर्दी, अशान्ति मच्चाउन उद्यत रहन्छन् र जनतालाई आतंकित पारेर स्थानीय निर्वाचनमा शान्ति संग स्व-बिबेक प्रयोग गर्न नदिने तिकडम गरिरहने छन्।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तीन दिनसम्म मुख्यमन्त्री निवासमा बन्धक बनाइयो, भागेर उम्कन सफल भएँ : विमला वली

1 Comments

Narayan panthi

तपाईको प्रतिक्रिया

तपाईको प्रतिक्रिया