शेयर बजार सामान्य बढ्याे
चैत १५, २०८० बिहिबार
जुम्ला – राधाकृष्ण बुढ्थापाको मृत्युसम्बन्धमा दोषी पत्ता नलगाएको भन्दै शुक्रबार स्थानीयहरुले जुम्ला बन्द गराएका छन् ।
गएको साउन २० गते चन्दननाथ नगरपालिका २ का राधाकृष्ण बुढ्थापाको मृत्यु भएको घटनाले ठूलो रुप लिँदै गएको छ ।
घटना भएको २५ दिन नाघे पनि अनुुसन्धान फितलो भएको भन्दै स्थानीयहरु आक्रोसित हुदै गएका छन् ।
नयाँ शक्ति नेपालका पूर्व संयोजक तथा नेता बुढ्थापाको मुख्यबजारबाट बिजयनगर जाने जुगाडखोलामा रहस्यमय मृत्यु भएपछि आफन्तहरुले दोषी पत्ता लगाउन भन्दै लगातार रुपमा आन्दोलन गर्दै आएका छन् ।
शुक्रबार चन्दननाथ नगरपालिका वडा नं २ र ३ ढाँणथपाला क्षेत्रका युवाहरुले हातमा लाठी बोकेर बजार बन्द गरेका छन् । उनीहरुले बजार, होटल, यातायात शैक्षिक संस्था, कार्यालयहरु समेत बन्द गराएका छन् ।
घटनाको दोषी पत्ता नलगाउँदासम्म अनिश्चितकालीन बन्द गरिएपछि टाढाबाट आएका व्यक्तिहरु अलपत्र परेका छन् ।
बजार बन्द भएपछि चन्दननाथ नगरपालिकाले आयोजना गरेको वार्षिक उत्सव पनि स्थगित गरेको छ । यसैगरी घटनाहरु दोहोरिइरहेका कारण नागरिकहरुमा त्रास बढ्दै गईरहेको छ ।
घटनाको आशंकामा किटानी जाहेरी परेका दुईजनाको भने अदालतमा बयान सुरु भएको र अनुसन्धान भइरहेको प्रमुख जिल्ला अधिकारी बिष्णु पौड्यालले बताउनुभयो ।
जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।