काठमाण्डौमा न्यूनतम तापक्रम ९ डिग्री सेल्सियसमा झर्‍यो : आज कतै पनि पानी नपर्ने

कात्तिक २०, २०७८ शनिबार ७:२३:३९ | उज्यालो सहकर्मी

काठमाण्डौ — काठमाण्डौ उपत्यकामा न्यूनतम तापक्रम ९ डिग्री सेल्सियसमा झरेको छ ।

हिजो बिहान न्यूनतम तापक्रम ९ दशमलव ६ डिग्री सेल्सियस थियो । आज तापक्रम केही घटेको हो । चिसो बढेको छ । काठमाण्डौ उपत्यकामा आज न्यूनतम तापक्रम ८ दशमलव ४५ डिग्रीसम्म झर्न सक्ने अनुमान छ ।

आकाश खुल्दै जाँदा तापक्रम घट्न सक्ने र दिउँसो घाम लागेपछि बढ्दै जाने जल तथा मौसम पूर्वानुमान महाशाखाका मौसमविद् वरुण पौडेलले जानकारी दिनुभयो । काठमाण्डौ उपत्यकासहित देशभर केही दिनदेखि चिसो बढ्दै गएको छ । अहिले मौसम आंशिकदेखि सामान्य बदलीको अवस्था छ ।

आज दिउँसो प्रदेश एक, प्रदेश दुई, बागमती र गण्डकीमा आंशिकदेखि सामान्य बदली रहने महाशाखाले जनाएको छ । प्रदेश एक र गण्डकी प्रदेशका हिमाली भू–भागका एक वा दुई ठाउँमा हल्का हिमपातको सम्भावना रहेको छ ।

अरू प्रदेशहरूमा मौसम सामान्यतया सफा रहनेछ । अहिले नेपालमा उल्लेखनीय मौसम प्रणाली नरहेकाले पानी भने नपर्ने मौसमविद् पौडेलले बताउनुभयो ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्