नेभिगेशन
मंगलबार, मंसिर १, २०८३

प्रचण्डलाई निर्वाचन आयोगले सोध्यो ८ घण्टे स्पष्टीकरण

काठमाण्डाै -  निर्वाचन आयोगले माओवादी केन्द्रका अध्यक्ष पुष्पकमल दाहाल प्रचण्डलाई आठ घण्टे स्पष्टीकरण सोधेको छ । 

चितवन पुगेर गठबन्धन उम्मेदवार तथा कार्यकर्ता लगायतसँग भेटेको भन्दै आयोगले प्रचण्डलाई ८ घण्टाभित्र लिखित स्पष्टीकरण दिन भनेको हो । 

मौन अवधिमा कुनै पनि प्रकारका छलफल, अन्तरक्रिया, सभा सम्मेलन, कार्यशाला गोष्ठी आदि गर्न नहुने व्यवस्था विपरीत अध्यक्ष प्रचण्डले चितवनको माडी नगरपालिका–७ मा रहेको होटल प्याराडाइजमा गठबन्धन उम्मेदवार र कार्यकर्ताहरूसहित करिब ३० जना व्यक्तिसँग भेटघाट गर्नु भएको आयोगले जनाएको छ । 

‘मौन अवधिमा यहाँबाट भएका क्रियाकलापबाट निर्वाचन आचारसंहिता, २०७८ को दफा १६ को खण्ड (क) र खण्ड (ग) मा उल्लेखित ‘मौन अवधिमा पालना गर्नुपर्ने आचरणको उल्लङ्घन भएको छ। प्रस्तुत सन्दर्भमा यहाँबाट निर्वाचन आचारसंहिताको उल्लङ्घन भएको अवस्थामा यहाँको नाम निर्वाचन आचारसंहिताको उल्लङ्घनकर्ताको रुपमा किन सार्वजनिक गर्नु नपर्ने हो? ’ आयोगको पत्रमा भनिएको छ।

प्रकाशित मिति: