सोलुखुम्बुकी क्यान्सर पीडित बास्तोलालाई साढे ७ लाख रुपैयाँभन्दा धेरै सहयोग

काठमाण्डाै – सोलुखुम्बुको नेचासल्यान गाउँपालिका–२ की क्यान्सर पीडित मनिषा बास्तोलालाई साढे सात लाख रुपैयाँभन्दा धेरै सहयोग प्राप्त भएको छ ।

खर्चको अभावमा उपचारमा समस्या झेलिरहेकी २० वर्षीया बास्तोलालाई स्थानीय युवाहरू द्रोण बास्तोला र बाबुराम आचार्यले रकम सङ्कलन गरी उपलब्ध गराएका हुन् । विभिन्न व्यक्ति र सङ्घ–संस्थामार्फत सङ्कलन गरेको सात लाख ६५ हजार छ सय ६१ रुपैयाँ आज आइतवार बास्तोला उपचाररत पाटन स्वास्थ्य विज्ञान प्रतिष्ठानमा पुगेर हस्तान्तरण गरेको रकम सङ्कलन गर्ने बाबुराम आचार्यले जानकारी दिनुभयो ।

रकम पाएपछि क्यान्सर पीडित मनिषा बास्तोलाले अब पैसाको अभावमा आफ्नो उपचार नरोकिने भन्दै सहयोगीहरूलाई धन्यवाद दिनुभएको छ ।