बारा, पर्सा, चितवन, सिन्धुपाल्चोक, मकवानपुरलगायतका जिल्लामा वर्षा : बाढीको जोखिम

काठमाण्डाै - बाग्मती र मधेस प्रदेशका केही जिल्लामा रातिदेखि नै पानी परिरहेको छ । बाग्मतीका सिन्धुपाल्चोक, मकवानपुर, चितवन तथा मधेस प्रदेशका बारा, पर्सालगायतका जिल्लामा वर्षा भैरहेको जल तथा मौसम पूर्वानुमान महाशाखाले जनाएको छ । कतैकतै ठूलो पानी परेको छ ।

पानी परिरहेका जिल्ला र आसपासका क्षेत्र भएर बग्ने नदी तथा खोलामा बाढीको जोखिम छ । जलसतह बढ्न सक्ने भएकाले नदी तटीय क्षेत्रमा सतर्कता अपनाउन बाढी पूर्वानुमान महाशाखाले अनुरोध गरेको छ ।

— Nepal Flood Alert! नेपाल बाढी सूचना! (@DHM_FloodEWS) August 25, 2023

साथै, हिजो/अस्ति पनि लगातार पानी परेका ठाउँमा कमजोर भिरालो जमिनमा पहिरोको जोखिम रहेकाले सावधानी अपनाउन महाशाखाको आग्रह छ ।

आज पनि बाग्मती, कोशी र मधेस प्रदेशका केही ठाउँमा र बाँकी प्रदेशका पहाडी क्षेत्रमा हल्कादेखि मध्यम वर्षाको सम्भावना छ । कोशी र मधेस प्रदेशका एक/दुई ठाउँमा ठूलो पानी पर्ने सम्भावना रहेको मौसमविद्ले बताएका छन् ।