कोशीका मुख्यमन्त्री थापा पदमुक्त, हिक्मत कार्कीलाई ४८ घण्टाभित्र नियुक्त गर्न परमादेश

भदौ २१, २०८० बिहीबार १९:११:२५ | उज्यालो सहकर्मी

काठमाण्डाै – सर्वोच्च अदालतले कोशी प्रदेशका मुख्यमन्त्री उद्धव थापालाई पदमुक्त हुने परमादेश जारी गरेको छ । सर्वोच्चको पूर्ण इजलासले थापालाई पदमुक्त गरेर सबैभन्दा ठूलो दलको हिसाबले नेकपा एमालेका हिक्मत कार्कीलाई ४८ घण्टाभित्र नयाँ मुख्यमन्त्री नियुक्त गर्न पनि परमादेश दिएको छ ।

आज बिहीवार न्यायाधीशहरू सपना प्रधान मल्ल, डा. कुमार चुँडाल र नहकुल सुवेदीको पूर्ण इजलासले संविधानको धारा १६८ को उपधारा ३ बमोजिम प्रदेशसभाको सबैभन्दा ठूलो दलको नेताको हैसियतमा हिक्मत कार्कीलाई मुख्यमन्त्री नियुक्त गर्न प्रदेश प्रमुखका नाममा परमादेश जारी गरेको हो ।

यसअघि पनि सभामुख बाबुराम गौतमको मतसहित विश्वासको मत लिएका थापालाई सर्वोच्चले नै पदमुक्त गरेको थियो । दोस्रो पटक मुख्यमन्त्री बनेका थापाले यही भदौको ४ गते सभाको अध्यक्षता गरेका इस्राइल मन्सुरीले समेत मत दिएपछि विश्वासको मत पाउनुभएको थियो । तर सभाध्यक्षकै मतको प्रयोग गरेर विश्वासको मत लिनु संविधान र कानुन विपरीत भएको भन्दै भन्दै एमालेका पूर्वमुख्यमन्त्री हिक्मतकुमार कार्कीले सर्वोच्चमा रिट दिनुभएको थियो ।

आज विश्वासको मत बदर गर्दै सर्वोच्चको पूर्ण इजलासले मुख्यमन्त्री थापालाई पदमुक्त गरेर हिक्मत कार्कीलाई मुख्यमन्त्री बनाउन भनेको छ । कोशी प्रदेशमा बहुमतका लागि ४७ जना चाहिनेमा सत्ता गठबन्धन र एमालेको गठबन्धन दुवैसँग बहुमत नहुँदा खिचातानी भइरहेको छ । सत्तापक्षले सभामुख बाबुराम गौतमलाई राजीनामा गराएर बहुमत पुर्‍याउने बाटो समातेको थियो तर एमाले र राप्रपाले उपसभामुख र ज्येष्ठ सदस्यहरूलाई बैठकमा अनुपस्थित गराएर सत्तापक्षकै सांसदलाई सभाध्यक्ष बनाउनैपर्ने बाध्यता सिर्जना गरेका थिए ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

महेन्द्र बि क
Sept. 7, 2023, 9:55 p.m.
कठै बरा! मेरो देश, हैन नेताको मुद्दामा कसरी सजिलै फैसला सुनाइन्छ? बिचरा सन्दिप लामिछानेलाई किन यति धेरै सताएको? कि त उसलाई राष्ट्रीय क्रिकेट टीमबाटै हटाउनूहोस् कि त उसलाई स्वतंत्रतापुर्वक खेल्न दिनुहोस् किन यसरी मानसिक तनाव दिदै हुनुहुन्छ 😭😭😭 राष्ट्रको एउटा खम्बालाइ मानसिक तनाव दिएर एसिया कप जित्न को शुभकामना दिन लाज लाग्दैन न र? प्रधानमंत्री, ज्यु! 🤣🤣
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कोशीका मुख्यमन्त्री थापा पदमुक्त, हिक्मत कार्कीलाई ४८ घण्टाभित्र नियुक्त गर्न परमादेश

फाइल तस्बिर

1 Comments

महेन्द्र बि क

तपाईको प्रतिक्रिया

तपाईको प्रतिक्रिया