बिग्रिएकाे दुधबरी बेच्ने टिपटप समाेसा पसललाई महानगरले २ लाख रुपैयाँ जरिबाना तिरायाे

असोज १, २०८० सोमबार १४:२१:४८ | उज्यालो सहकर्मी

काठमाण्डाै – काठमाण्डाै महानगरपालिकाले टिपटप समोसा पसललाई दुई लाख रुपैयाँ जरिबाना तिराएको छ ।

काठमाण्डाै महानगरपालिका वडा नम्बर १७ थहिटीमा रहेको टिपटप समोसा पसलमा अखाद्य वस्तु भेटिएकाे सूचना आएपछि महानगर अनुगमनमा गएको थियो । बजार अनुगमन समितिले अनुगमनका क्रममा अस्वच्छ र अखाद्य पदार्थ पाइएको भन्दै दुई लाख रुपैयाँ जरिबाना गराएको हो ।

महानगर प्रहरीका प्रमुख राजुनाथ पाण्डेका अनुसार पसललाई दुई लाख रुपैयाँ जरिबाना तिराउनुका साथै सञ्चालक दीपकराज थपलियालाई पक्राउ गरेर केहीबेर जनसेवा प्रहरीमा राखिएको थियो । पसलमा दुधबरी बिग्रिएको पाइएको, सरसफाइमा ध्यान नदिएको, कर्मचारीको बोलीवचन नराम्रो भएकोजस्ता समस्याहरू रहेको पाण्डेले बताउनुभयो । अबदेखि गुणस्तर कायम गर्ने, दुग्धजन्य वस्तुको तापक्रम कायम गर्ने र पसलबाट बनेर बजारमा गएका सामान फिर्ता ल्याएर नष्ट गर्ने सहमति गरी पसललाई जरिबाना गराइएको उहाँको भनाइ छ ।

पसलका सञ्चालकले अबदेखि यस्तो नहुने वाचा गरेको र पुनः यस्तो भएमा हदैसम्मको कारबाही गरिने पाण्डेले बताउनुभएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बिग्रिएकाे दुधबरी बेच्ने टिपटप समाेसा पसललाई महानगरले २ लाख रुपैयाँ जरिबाना तिरायाे

फाइल तस्बिर

तपाईको प्रतिक्रिया