शिक्षकहरु आज पनि आन्दोलनमा, शान्ति कायम राख्न सरकारको आग्रह

असोज ४, २०८० बिहीबार ११:२३:५५ | उज्यालो सहकर्मी

काठमाण्डाै - विद्यालय शिक्षा विधेयक संशोधनको माग गर्दै आज पनि शिक्षकहरूले आन्दोलनलाई निरन्तरता दिएका छन् । आज दोस्रो दिन पनि माइतीघर मण्डलामा प्रदर्शन भइरहेको छ ।

विद्यालय शिक्षा विधेयकमाथि आपत्ति जनाउँदै देशभरका २७ हजारभन्दा धेरै सामुदायिक विद्यालयका शिक्षक आन्दोलनमा छन् । यसले गर्दा पठनपाठन प्रभावित भएको छ । शिक्षकहरुको आन्दोलनका कारण सामुदायिक विद्यालय बन्द हुँदा झण्डै ५४ लाख विद्यार्थीको पठनपाठन प्रभावित भएको छ ।

शिक्षाविद्लगायत सरोकारवालाहरुले बालबालिकाको पढ्न पाउने अधिकार वञ्चित नगर्न र वार्तामार्फत् समस्याको समाधान खोज्न आग्रह गरेका छन् । शिक्षकहरुको आन्दोलनका कारण हिजो काठमाण्डौ उपत्यकाको ट्राफिक व्यवस्था अस्तव्यस्त भएको थियो ।

आज हिजोको जस्तो भद्रगोल नहोस् भन्नका लागि गृह र शिक्षा मन्त्रालयसँगै जिल्ला प्रशासन कार्यालय काठमाण्डौले आन्दोलनरत नेपाल शिक्षक महासङ्घसँग बिहान छलफल गरेको छ ।

आन्दोलनका क्रममा निषेध गरिएका क्षेत्र नतोड्न र शान्ति कायम राख्न महासङ्घलाई आग्रह गरिएको जिल्ला प्रशासन कार्यालय काठमाण्डौका प्रमुख जिल्ला अधिकारी जितेन्द्र बस्नेतले उज्यालोलाई जानकारी दिनुभयो।

नेपाल शिक्षक महसङ्घकी अध्यक्ष कमला तुलाधरले पनि बिहान शान्ति सुरक्षाका विषयमा मात्रै छलफल भएको बताउनुभयो । उहाँले सरकार प्रमुखसहित सरोकारवाला अन्य निकायसँग बसेर मात्रै वार्ता गर्ने बताउनुभयो । महासङ्घले माग पूरा नभएसम्म आन्दोलनलाई निरन्तरता दिने जनाएको छ।

संसदमा दर्ता भएको शिक्षा विधेयकमा महासङ्घले विभिन्न १८ बुँदे असहमति जनाएको छ । जसमा सरुवा बढुवा, दरबन्दी, पालिकाअन्तर्गत हुन नहुनेसहितका माग छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

शिक्षकहरु आज पनि आन्दोलनमा, शान्ति कायम राख्न सरकारको आग्रह

फाइल तस्बिर

तपाईको प्रतिक्रिया