अफगानिस्तानमा तालिबान समूहले सत्ता कब्जा गरेपछि भागेर पाकिस्तान गएका शरणार्थी मध्ये झण्डै १२ हजार जना घर फर्किएका छन् ।

पाकिस्तानले एक महिनाअघि अवैध रुपमा बसिरहेका अफगानी शरणार्थीहरुलाई आफ्दो देश फर्कन निर्देशन दिएपछि शरणार्थीहरु घर फर्कने क्रम चलिरहेको छ ।

दक्षिण अफगानिस्तानको कान्दाहार प्रान्तमा शरणार्थी तथा स्वदेश फिर्ता निर्देशनालयका उपप्रमुख मोमिन आगाले हरेक हप्ता औसत आठ सय २० परिवारका चार हजारभन्दा बढी व्यक्ति पाकिस्तानबाट स्वदेश फर्किएका बताउनुभयो । २५ लाख जनाभन्दा बढी अफगान शरणार्थी पाकिस्तानमा बस्दै आएका छन् ।

झण्डै २५ लाखकै सङ्ख्यामा अफगानी शरणार्थी इरानमा आश्रय लिरहेका छन् । पछिल्लो एक वर्षमा छिमेकी देश पाकिस्तान र इरानबाट दुई लाखभन्दा बढी अफगान शरणार्थी आफ्नो मातृभूमि फर्किएका छन् ।