प्रिमियर लिगमा आज ६ खेल : एस्टन भिल्लाले शीर्ष स्थानको मौका गुमायो

पुष ७, २०८० शनिबार ८:४६:२७ | उज्यालो सहकर्मी

काठमाण्डाै - इङ्ग्लिस प्रिमियर लिग फुटबलमा आज ६ वटा खेल हुँदैछन् । बेलुका सवा ६ बजे वेस्टह्याम र म्यानचेस्टर युनाइटेड, पौने ९ बजे टोटनहम र एभर्टन, फुलहम र बर्नली, लुटन टाउन र न्युक्यासल, नटिङ्घम फरेस्ट र बर्नमाउथ खेल्ने छन् ।

त्यस्तै, राति सवा ११ बजे लिभरपुल र आर्सनलबीच खेल हुनेछ । म्यानचेस्टर सिटी र ब्रेन्टफोर्डको आज हुने तय भएको खेल भने स्थगित भएको छ । सिटीको टोली क्लब विश्वकपका लागि साउदी अरबमा छ । क्लब विश्वकपको उपाधि सिटीले जितेको छ ।

यसैबीच एस्टन भिल्लाले प्रिमियर लिगको शीर्ष स्थानमा उक्लने मौका गुमाएको छ ।

गएराति सेफिल्ड युनाइटेडसँग १–१ गोलको बराबरी खेलेपछि शीर्ष स्थानको आर्सनलसँग अङ्क बराबरी भएकाे छ । आर्सनल १७ खेलमा ३९ अङ्ककासाथ शीर्ष र एस्टन १८ खेलबाट ३९ अङ्ककासाथ दोस्रो स्थानमा छ । सेफिल्ड युनाइटेड १८ खेलमा ९ अङ्ककासाथ पुछारबाट दोस्रो स्थानमा छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्