प्रिमियर लिगमा ब्रेन्टफोर्डलाई हराउँदै सिटी दोस्रो स्थानमा : फिल फोडेनको ह्याट्रिक

 माघ २३, २०८० मंगलबार ६:४२:१२ | उज्यालो सहकर्मी
unn.prixa.net

काठमाण्डाै - इङ्ग्लिस प्रिमियर लिग फुटबलमा म्यानचेस्टर सिटीले ब्रेन्टफोर्डलाई हराएको छ । गएराति भएको खेलमा सिटी ३–१ गोलले विजयी भयो ।

सिटीका फिल फोडेनले ह्याट्रिक गरे । उनले पहिलो हाफको अन्तिमतिर र दोस्रो हाफको ५३ र ७०औँ मिनेटमा गोल गरे  । तर खेलमा ब्रेन्टफोर्डले २१औँ मिनेटमा बनाएको अग्रतालाई जोगाउन सकेन ।

जितसँगै सिटी २२ खेलमा ४९ अङ्ककासाथ तालिकाको दोस्रो स्थानमा उक्लिएको छ । २३ खेलमा ५१ अङ्क रहेको लिभरपुल शीर्ष र समान खेलमा ४९ अङ्क रहेको आर्सनल तेस्रो स्थानमा रहेको छ । सिटीसँग पराजित ब्रेन्टफोर्ड २२ खेलमा २२ अङ्कसहित पन्ध्रौँ स्थानमा छ ।

अन्तिम अपडेट: बैशाख १०, २०८१

तपाईको प्रतिक्रिया