साउदीमा ३८ जना नेपालीलाई अलपत्र पार्ने तीनजुरे र इम्पावरमेन्ट म्यानपावरलाई कारबाही

साउन ४, २०७५ शुक्रबार २०:४०:३४ | उज्यालो सहकर्मी

काठमाडौं – साउदीमा ३८ जना नेपालीलाई अलपत्र पार्ने तीनजुरे र इम्पावरमेन्ट नामका म्यानपावर कम्पनीलाई वैदेशिक रोजगार विभागले कारबाही गरेको छ ।

आज विभागमा बोलाई ती कम्पनीको कारोबार रोक्का गर्दै तत्काल उद्धार गर्न निर्देशन समेत दिएको छ । उता अलपत्र ३८ मध्ये १६ जना त्यहाँस्थित दूतावासको सम्पर्कमा पुगेका छन् । उनीहरुको तत्कालको खाने तथा बस्ने व्यवस्थाका लागि एनआरएन साउदीले पहल गरेको छ ।

हिजो मात्रै विभागले पीडितका आफन्तहरुसँग छलफल गरेको थियो । साउदीमा ३८ जना नेपाली अलपत्र परेको खवर सार्वजनिक भएसँगै श्रम रोजगार तथा सामाजिक सुरक्षा मन्त्री गोकर्ण विष्टले तत्काल उद्धारको पहल गर्न सम्बन्धित म्यानपावर कम्पनीलाई कारबाही गर्न विभागलाई निर्देशन दिनुभएको थियो ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)