मलेसियामा नयाँ नीति प्रस्ताव : १५ प्रतिशत मात्रै विदेशी कामदार भर्ती गरिने

 साउन २७, २०७५ आइतबार १५:२९:२३ | उज्यालो सहकर्मी
unn.prixa.net

तस्वीर : मलेमेल डटकम

काठमाडौं – नेपालीको मुख्य श्रम गन्तव्य मध्येको एक मलेसियाले विदेश कामदार भर्तीका लागि नयाँ नीति ल्याउने भएको छ ।

विदेशी कामदारको भर्तीलाई लिएर अहिलेको नीतिले मध्यस्तताका बारेमा समस्या आएको भन्दै मलेसियाले नयाँ नीति ल्याउन लागेको हो । मलेसियाका मानव शंसाधन मन्त्री एम कुलासेगरनले अहिलेको समस्या समाधान गर्दै कामदार भर्तीलाई व्यवस्थित गर्न नयाँ नीति ल्याउन लागेको बताउनुभएको हो । 

उहाँले मंगलबार प्रधानमन्त्री महाथिर मोहम्मदसँग छलफल गर्ने र नीति सार्वजनिक गर्ने बताउनुभएको छ । नयाँ नीतिमा स्वदेशी कामदारलाई प्राथमिकता दिइन लागेको कुलासेगरनको भनाईबाट प्रष्ट हुन्छ । 

उहाँले भन्नुभयो ‘उदाहरणका लागि, यदि एक कम्पनीसँग एक सय जना कर्मचारी आवश्यकता प¥यो भने १५ जना मात्रै विदेश कामदार राख्न पाइनेछ, बाँकी स्थानीय श्रमिक नै हुनुपर्छ ।’ तर उहाँले यो आफ्नो प्रस्ताव भएको भन्दै प्रधानमन्त्रीसहित सबै पक्षसँग छलफलपछि निर्णय लिइने बताउनुभयो । 

नेपाली कामदारका समस्या समाधान गर्न एमओयु अन्तिम चरणमा 

उहाँले नेपाली श्रमिकका विषयमा देखिएको समस्या समाधानका लागि एमओयु गर्ने तयारी अन्तिम चरणमा रहेको पनि बताउनुभएको छ । यसअघि नेपालसँग कुनै एमओयु नभएको भन्दै नेपाल अब एमओयु गर्न तयार रहेको भन्दै त्यसका लागि आफू नेपाल जाने बताउनुभएको छ । 

नेपाल जाने प्रस्ताव मन्त्रीपरिषद्मा लाने पनि बताउनुभएको छ । आफूहरुले श्रमिकका विषयमा देखिएका समस्याको दिर्घकालिन समाधान खोजिरहेको पनि बताउनुभएको छ । 

1 Comments

  • Krishna

    Aug. 12, 2018, 9:50 p.m.

    मलेसियामा के छ र पछि लाग्छन / यो मानव संशाधन मन्त्री पनि .....मर्न मन भए मलेसिया जानु, चेतना भया /

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

चीनले फ्रान्स, जर्मनीलगायत २९ वटा देशका लागि एकपक्षीय भिसामुक्त नीति लागू गर्‍याे

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई