द्वन्द्व कालमा निर्माण सुरु भएको झोलुंगे पुल अहिलेसम्म पूरा भएन

कात्तिक ३०, २०७५ शुक्रबार १६:१४:४४ | विमल बिष्ट

डोटी – शिखर नगरपालिका–११, तल्लीसातमा डेढ दशकअघि निर्माण सुरु भएको झोलुंगे पुल अझै सम्पन्न हुन सकेको छैन ।

२०६१ सालमा निर्माण सुरु भएको पुल अहिले अलपत्र छ । पुल निर्माण गर्न साविकको जिल्ला विकास समितिले २०६१ सालमा निर्माण व्यवसायी दावा शेर्पासँग ठेक्का सम्झौता गरेको थियोे । तर उहाँले बीचमै काम छाडेपछि पुल निर्माणको काम अलपत्र भएको हो ।

उनीसँगको ठेक्का रद्द भयो । त्यसपछि पुल निर्माणको ठेक्का डोटीका निर्माण व्यवसायी छत्र कठायतले लिनुभयो । तर तोकिएको समयमा काम पूरा भएन । स्थानीयवासी रमेश सिंहका अनुसार पुलको साइडमा जालीको बार राखिएको छैन भने केबल पनि कस्सिएका छैनन् । पुलको केबल र अन्य सामग्री निर्माण स्थलमा अलपत्र छन् ।

निर्माण पूरा नहुँदै यात्रुहरूले पुलबाटै आउजाउ गर्न थालेपछि २०६८ सालमा पुल बांगियो । त्यसपछि पुल बनाउनुपर्ने माग राखेर स्थानीयले आन्दोलन गर्ने चेतावनी दिएपछि पुल सोझ्याइएको अर्का स्थानीयवासी भरत मल्लले बताउनुभयो ।

‘ठेकेदारले आफ्नो काम पूरा गरिसकेको भन्छन् । तर पुल निर्माण पूरा हुन सकेको छैन,’ मल्लले भन्नुभयो, ‘पुलको बाँकी काम कसले गर्ने हो थाहा छैन ।’ ठेकेदारले पुल निर्माण सम्पन्न नगर्न विभिन्न बहानाबाजी गरेको स्थानीयको आरोप छ । पुलका केबलहरू कस्सिएका छन् । यात्रु ओहोरदोहोर गर्दा पुल हल्लिने गरेको स्थानीयवासी बताउँछन् ।

पुलका केबल नकस्सिएकाले बाँगिएको शिखर नगरपालिका–११ का देवबहादुर किमाडी बताउँछन् । ‘पुल निर्माण सुरु हुँदा द्वन्द्व काल थियो, अहिले देशमा गणतन्त्र आइसक्यो, हाम्रो बारपाटा गाउँ विकास समिति नगरपालिकामा परिणत भइसक्यो’, उहाँ भन्नुहुन्छ, ‘१४ वर्षमा धेरै विकास भयो, तर, यो पुल बनेन ।’

पुल निर्माण सम्पन्न गर्न पटक–पटक माग गर्दा पनि सुनुवाइ हुन नसकेको उनको गुनासो छ । यस क्षेत्रबाट चुनाव जितेका नेताले पनि पुल निर्माण पूरा गर्न पहल नगरेको स्थानीय गुनासो पोख्छन् । पुल निर्माणको विषयमा ठेकेदार छत्र कठायतसँग जानकारी लिन खोज्दा सम्पर्क हुन सकेन ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्