एक लाख रुपैयाँ घुससहित प्रहरी हवल्दार पक्राउ

कात्तिक ३०, २०७५ शुक्रबार १७:४८:४७ | उज्यालो सहकर्मी

बारा – अख्तियार दुरुपयोग अनुसन्धान आयोग हेटौंडाको टोलीले शुक्रबार दिउँसो घुससहित बाराबाट प्रहरी हवल्दारलाई पक्राउ गरेको छ ।

हेटौंडा अख्तियार दुरुपयोग अनुसन्धान आयोगको कार्यालयबाट खटिएको टोलीले जिल्ला प्रहरी कार्यालय बारामा कार्यरत प्रहरी हवल्दार सुदामा हजरालाई एक लाख रुपैयाँ घुस रकमसहित पक्राउ गरेको हो ।

एकजना व्यापारीसँग एक लाख रुपैयाँ घुस लिँदै गरेको अवस्थामा अख्तियारको टोलीले कलैया उपमहानगरपालिका १ को देवकीलाल धर्मशाला परिसरबाट प्रहरी हवल्दार हजरालाई रंगे हात पक्राउ गरेको हो ।

भारतबाट पान मसाला ल्याउन लाइन मिलाइदिने भन्दै व्यापारीसँग प्रहरी हवल्दार हजराले घुस रकम लिएको अख्तियारको टोलीले जनाएको छ । जिल्ला प्रहरी कार्यालय बारामा काजमा कार्यरत प्रहरी हवल्दार हजरालाई बाराका प्रहरी उपरीक्षक सानुराम भट्टराईले सादा पोशाकमा परिचालन गरेका थिए ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्