प्रधानमन्त्री ओलीले भने : प्रकाशको सम्झना आइरहन्छ, पीडा त भइरहन्छ

मंसिर ३, २०७५ सोमबार १२:५७:२१ | उज्यालो सहकर्मी

काठमाडौं – प्रधानमन्त्री केपी शर्मा ओलीले नफर्किने कुरामा वा सच्याउन नसकिने कुरामा शोक मात्रै लिएर बस्न नहुने बताउनुभयो ।

स्वर्गीय प्रकाश दाहालको प्रथम स्मृति सभामा प्रधानमन्त्री अोलीले शोकलाई शक्तिमा बदलेर अगाडि बढ्नु आवश्यक रहेको भन्दै प्रकाशको निधनका बेला परिवारले देखाएको संयमताको प्रशंसा गर्नुभयो । देशका लागि र समग्र नागरिकका लागि अगाडि बढाउने कुरामा योगदान गरेर देखाउनु नै साँचो अर्थमा स्वर्गीय दाहालप्रतिको श्रद्धाञ्जली ठहर्ने बताउनुभयो ।

‘सम्झना आइरहन्छ, पीडा त भइरहन्छ, त्यसले पीडा मात्रै हुने हो तर परिस्थिति त परिवर्तन हुने होइन’, प्रधानमन्त्री ओलीले भन्नुभयो, ‘तर यो भन्दै गर्दा फेरि पनि पीडा त भइरहन्छ, तर त्यसलाई संयमका साथ जीवनलाई गतिशील बनाएर अगाडि बढाउनु पर्छ । त्यसका लागि म आग्रह पनि गर्न चाहन्छु ।’

‘जीवनलाई गतिशील बनाइरहनु पर्छ । देशले पनि, परिवारले पनि अनि आफन्तले पनि त्यही ढंगले लिनुपछर्’, प्रधानमन्त्रीले भन्नुभयो ।

कसलाई कसरी व्यवहार गर्ने, पार्टीको गतिविधिको जानकारी कसरी व्यवस्थित बनाउने भन्नेमा प्रकाश दाहालको भूमिका प्रशंसायोग्य रहेको प्रधानमन्त्री ओलीले सम्झनुभयो ।

प्रधानमन्त्री ओलीले अगाडि भन्नुभयो, ‘आज देशको परिस्थितिको बारेमा केही पनि बोल्न चाहन्नँ । आज श्रद्धाञ्जलीको अवसरमा अत्यन्तै आत्मीय ढंगले प्रकाशलाई सम्झन चाहन्छु ।’

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्