‘म प्रहरी हूँ, हत्यारा पत्ता लगाउन सादा पोसाकमा खटिएको हूँ’ भन्दै ठग्ने नक्कली प्रहरी पक्राउ

मंसिर ३, २०७५ सोमबार २०:०:५९ | शुभनारायण यादव

सप्तरी – ‘प्रहरी हूँ’ भन्दै नेपाल–भारत सीमानाकामा सर्वसाधारणसँग रकम असुली गर्दै आएका एकलाई प्रहरीले नियन्त्रणमा लिएको छ ।

सप्तरीको राजविराज नगरपालिका–७, खर्साल टोल निवासी शिवनारायण यादवका छोरा २० वर्षीय जोगीन्द्र भनिने सागर यादवलाई सप्तरी प्रहरीले नियन्त्रणमा लिएको हो । यादवलाई जिल्लाको बोदेबर्साइन नगरपालिका–९, स्वर्णपट्टीबाट नियन्त्रणमा लिइएको जिल्ला प्रहरी कार्यालय सप्तरीका एसपी राजेन्द्र विष्टले जानकारी दिनुभयो ।

उहाँका अनुसार ‘म प्रहरी हूँ । दुई जना हत्यारा फरार भएकाले जिल्ला प्रहरी कार्यालयले सादा पोसाकमा मलाई खटाएको छ,’ भन्दै चेक गर्ने नाममा रकम असुली गरेको जानकारी पाएपछि यादवलाई नियन्त्रणमा लिइएको विष्टले बताउुनभयो ।

बोर्डर छेउमा बसी नेपाल–भारत आवत–जावत गर्ने सर्वसाधारण मानिसलाई डर–त्रास देखाई रकम असुल गरेको र दुःख दिएको पाइएपछि नियन्त्रणमा लिएर आवश्यक कारबाही सुरु गरिएको उहाँको भनाई छ ।

चुनावताका म्यादी प्रहरीमा जागिर यादवले ठगी गरेको एसपी विष्टले स्पष्ट पार्नुहुँदै पक्राउ परेका यादवमाथि अनुसन्धान भइरहेको सप्तरी प्रहरीले जनाएको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्