म्यानमारकी प्रजातन्त्रवादी नेतृ सुकी काठमाडौंमा

मंसिर १३, २०७५ बिहीबार १३:५२:२४ | उज्यालो सहकर्मी

काठमाडौं – म्यानमारकी प्रजातन्त्रवादी नेतृ आङ साङ सुकी काठमाडौं आइपुग्नुभएको छ ।

नोबेल पुरस्कार विजेता नेतृ सुकी ‘एसिया प्यासिफिक समिट’मा भाग लिन बिहीबार बिहान काठमाडौं आइपुग्नु भएको हो । उहाँलाई त्रिभुवन अन्तर्राष्ट्रिय विमानस्थलमा उपप्रधानमन्त्री एवम् रक्षामन्त्री ईश्वर पोखरेलले स्वागत गर्नु भएको थियो ।

नेतृ सुकीको पहिलो आंपचारिक नेपाल भ्रमण भएकाले उहाँको भ्रमणको व्यवस्था नेपाल सरकार आफैंले गरेको छ । त्यस अवसरमा विमानस्थलमा नेपाली सेनाको एक टुकडीले सुकीलाई सम्मान गारत समेत अर्पण गरेको थियो ।

नेपाल बसाईका क्रममा नेतृ सुकीले राष्ट्रपति विद्या भण्डारी, प्रधानमन्त्री केपी ओलीसँग भेटवार्ता गर्नु हुनेछ ।

सरकारले सुकीको बस्ने व्यवस्था होटल सोल्टीमा मिलाएको छ । सरकारले सुकीको भ्रमणलाई ध्यानमा राखेर काठमाडौंको सुरक्षा व्यवस्था कडा पारेको छ । पछिल्लो समय म्यानमारमा रोहिंग्या समूदायमाथि भएको हिंसालाई लिएर उहाँको आलोचना भइरहेको छ ।

त्यसै विषयलाई समेत ध्यानमा राखेर सरकारले सुरक्षा व्यवस्था कडा पारेको हो । म्यानमारमा भएको पछिल्लो निर्वाचनमा सुकी नेतृत्वको नेसनल लिग फर डेमोक्रेसीले भारी बहुमत प्राप्त गर्दै विजयी भएसँगै त्यहाँ सैनिक शासनको अन्त्य भएको थियो ।

सुकी श्रीमान विदेशी नागरिक भएका कारण राष्ट्रपति बन्न नमिल्ने संवैधानिक व्यवस्थाअनुसार राष्ट्रिय सल्लाहकारको भूमिकामा रहनु भएको छ ।

तस्बिर - रासस

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्