स्पेनिस ला लिगा अन्तर्गत आज बार्सिलोना भिल्लारियलसँग खेल्दैछ । १३ खेलको समाप्तिसम्ममा बार्सिलोना २५ अंक बनाउँदै दोस्रो स्थानमा छ । भिल्लारियल भने १४ अंक सहित रेलिगेसन जोनको एक स्थान माथि छ । 

बार्सिलोनाको मैदान क्याम्प नोउमा हुने खेल नेपाली समयअनुसार बेलुका ११ः१५ बजे हुनेछ । आजै शीर्ष स्थानको सेभिया डिपोर्टिभो अालाभेससँग खेल्नेछ । डिपोर्टिभोको मैदानमा हुने खेल भने राति १ः३० बजे हुनेछ ।

आज जित हात पारेमा सेभिया शीर्ष स्थानमा कायमै रहनेछ । सेभिया बार्सिलोना भन्दा एक अंकले अघि छ । अालाभेस भने २३ अंक सहित चौथो स्थानमा छ । 

तेस्रो स्थानको एट्लेटिको मड्रिड जिरोनाको मैदानमा खेल्दैछ । जिरोना २० अंक सहित आठौं स्थानमा छ भने एट्लेटिकोको २४ अंक छ । 

आजै रियल बेटिस र रियल सोसियडाड पौने पाँच बजे खेल्दैछन् ।