‘परशुराम वाघमारेले गरेका थिए भारतीय पत्रकार गौरी लंकेशको हत्या’

असार २, २०७५ शनिबार ८:५६:५८ | एजेन्सी

भारतीय पत्रकार तथा कार्यकता गौरी लंकेश हत्याकाण्डको अनुसन्धान गरिरहेको विशेष जाँच दल(एसआईटी) ले लंकेशको हत्या परशुराम वाघमारेले गरेको जनाएको छ ।

परशुराम वाघमारे गौरी लंकेश हत्या प्रकरणमा गिरफ्तार भएका ६ जना संदिग्धमध्येका एक हुन् । एसआईटीका वरिष्ठ अधिकारीका अनुसार तर्कवादी तथा अन्धविश्वास विरोधी गोविन्द पानसरे तथा लेखक एमएम कलबुर्गीको हत्या गर्न प्रयोग गरिएको हतियार गौरीको हत्यामा पनि प्रयोग गरिएको छ ।

एसआईटीका वरिष्ठ अधिकारीका अनुसार फोरेन्सिक रिपोर्टबाट वाघमारेले नै गौरी लंकेशको हत्या गरेको पुष्टि भएको बताएका छन् । साथै फोरेन्सिक जाँचबाट पानसरे र कलबुर्गी तथा गौरीको हत्या एउटै हतियारबाट भएको पुष्टि भएको छ ।

गौरी लंकेश हत्याकाण्डको जाँच गरिरहेको एसआईटीका अनुसार हत्याकाण्डमा संदिग्ध रहेका व्यक्तिबाट एउटा डायरी बरामद भएको छ । जसमार केही हस्तीहरुको नाम रहेको छ जसलाई निशाना बनाउने योजना बुनिएको थियो । जसमा फिल्म तथा रंगमञ्च हस्ती गिरीश कर्नाडका साथै कैयौं साहित्यकार तथा अभियन्ताको नाम रहेको छ ।

सेप्टेम्बर ५, २०१७ मा पत्रकार गौरी लंकेशलाई आफ्नै घर नजिकै गोली हानी हत्या गरिएको थियो । उनी अतिवादी समूहहरुको कट्टर आलोचकका रुपमा चर्चित थिइन् । केही वर्ष यता भारतमा उदारवादी सोच भएका पत्रकार तथा लेखक अतिवादी समूहको निशानामा पर्दै आएका छन् ।

बिहीबार मात्र कश्मीरबाट प्रकाशित हुने राइजिङ कश्मीरका सम्पादक शुजात बुखारीको गोली हानी हत्या भएको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्