चम्पादेवीमा विवादः तालाबन्दीपछि उजुरी

पुष १७, २०७५ मंगलबार १८:३८:० | शिव ढुंगाना

ओखलढुंगा – चम्पादेवी गाउँपालिकाका नेपाल कम्युष्टि पार्टी (नेकपा) बाट निर्वाचित चारजना वडा अध्यक्षले भ्रष्टाचार गरेको आरोपमा गाउँपालिका अध्यक्ष नबराज केशीविरुद्ध जिल्ला प्रशासन कार्यालय ओखलढुंगामा उजुरी दर्ता गरेका छन् ।

अध्यक्षसहित प्रमुख प्रशासकीय अधिकृत र लेखापालको मिलेमतोमा ऐन मिचेर कर्मचारी नियुक्ती वडा अध्यक्षको सही किर्ते गरेर योजनामा भुक्तानीलगायतका गैर कानुनी काम गरेको भन्दै उजुरी गरेका हुन् ।

चम्पदेवी गाउँपालिकामा लिखित निवेदन दिए पनि सुनुवाइ नभएपछि पुस १६ गते चारजना वडा अध्यक्षको नेतृत्वमा गाउँपालिकामा तालाबन्दी गरेका थिए । चम्पादेवीको वडा नं. ५ का झलकमान तामाङ, ६ का तिलक खड्का, ७ का सुरेश थापा, र ९ का झम्कहरि वडालले संयुक्त रुपमा उजुरी दर्ता गरेका हुन् ।

स्थानीय तहमै समस्या समाधान गर्न माग गर्दा अध्यक्ष र प्रमुख प्रशासकीय अधिकृतले नटेरेपछि अनियमितता छानबिन गर्न उजुरी नै गर्नु परेको वडा नं. ७ का वडा अध्यक्ष सुरेश थापाले बताउनुभयो ।

उजुरीमा प्रमुख प्रशासकीय अधिकृत तुलसीराम भगत, लेखापाल मिलन लुइँटेललाई विपक्षी बनाइएको छ । सरकारी कर्मचारीकै मिलेमतोमा गाउँपालिकाको वडा नम्बर तीनमा रहेको घडेरी सम्याउने निहुमा लाखौं रकम हिनामिना गरेको, कामै नभएको आयोजनामा वडा अध्यक्षको किर्ते सिफारिस बनाइ रकम भक्तानी दिएको र कानुन मिचेर शिक्षक, कर्मचारी तथा प्राविधिक कर्मचारी नियुक्त गरेकाले छानबिन गरी कारबाही गर्न निवेदनमा माग गरिएको छ ।

नेकपा चम्पादेवी गाउँपालिकाका अध्यक्ष खड्गबहादुर कार्कीले पनि उजुरी छानबिन गर्न माग गरेका छन् । प्रमुख जिल्ला अधिकारी मुनका न्यौपाने गाउँपालिका अध्यक्ष तथा कर्मचारीलाई झिकाई सत्य तथ्य पत्ता लाउने आश्वासन दिनुभएको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्