नगरपालिकाकालाई कम बजेट दिएको जनप्रतिनिधिको गुनासो

 असार ३, २०७५ आइतबार १३:३५:५५ | उज्यालो सहकर्मी

तेह्रथुम – नगरपालिकालाई गाउँपालिकाकोभन्दा कम बजेट दिएको भन्दै तेह्रथुमका जनप्रतिनिधिहरुले गुनासो गरेका छन् ।

तेह्रथुममा ६ वटा स्थानीय तहमध्ये दुई वटा नगरपालिका र चार वटा गाउँपालिकाहरु रहेका छन् । त्यसमध्ये सबै स्थानीय तहका लागि सरकारले आगामी आर्थिक वर्षका लागि १ अर्ब २५ करोड ५८ लाख रुपैयाँ विनियोजन गरेको छ ।

त्यस रकममध्ये पनि क्षेत्रफलका आधारमा ठूलो स्थानीय तह आठराई गाउँपालिकाका लागि २७ करोड र सबैभन्दा सानो मेन्छ्यायेम गाउँपालिकाका लागि १२ करोड रुपैयाँ बजेट विनियोजन गरिएको छ । तर गाउँपालिकाहरुमा नगरपालिकाकोभन्दा बढी बजेट विनियोजन भएको भन्दै नगरपालिकाका जनप्रतिनिधिहरुले सार्वजनिक रुपमै असन्तुष्टि व्यक्त गरेका छन् ।

म्याङलुङ्गमा भएको एक कार्यक्रममा बोल्दै नगरप्रमुख सञ्जयकुमार तुम्बाहाम्फेले सदरमुकाम भएको हिसाबले जिल्लाको सबै कार्यक्रमहरुको चाप म्याङलुङ्ग नगरपालिकालाई परिरहेको तर सरकारले गाउँपालिकाकोभन्दा कम बजेट दिएको भन्दै बजेट बाँडफाँड गरी पु¥याउन समस्या भएको बताउनुभयो ।

उहाँले सरकारले स्थानीय तहका आवश्यकता र मागहरुलाई नबुझी बजेट विनियोजन गरेकोमा असन्तुष्टि व्यक्त गर्नुभयो । सरकारले म्याङलुङ्ग नगरपालिकाका लागि २३ करोड ३६ लाख रुपैयाँमात्रै विनियोजन गरेको छ । यस्तै लालीगुराँस नगरपालिकामा २१ करोड २७ लाख विनियोजन गरेको छ ।

सरकारले आगामी आर्थिक वर्षका लागि तेह्रथुमकै छथर गाउँपालिकामा २० करोड ३२ लाख र फेदाप गाउँपालिकामा २० करोड ३५ लाख रुपैयाँ बजेट विनियोजन गरेको छ । 


 

अन्तिम अपडेट: पुस ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई