बाघको बच्चाजस्तै संघीयता पनि हुर्केपछि बलियो बन्दै जान्छ : प्रधानमन्त्री ओली

माघ २, २०७५ बुधबार १९:१५:४६ | उज्यालो सहकर्मी

काठमाण्डौ – प्रधानमन्त्री केपी शर्मा ओलीले खर्च प्रणालीमा सुधार नआएमा कडा आपत्ति जनाउनु भएको छ ।

राष्ट्रिय विकासमा देखिएको समस्या समाधानका लागि भन्दै बुधबार बसेको बैठकमा प्रधानमन्त्री ओलीले कडा असन्तुष्टि जनाउनु भएको हो । उहाँले खर्च प्रणालीमा सुधार गर्न भन्दै जेठ १५ गते नै बजेट ल्याएको तर दोस्रो त्रैमासिकसम्म आइपुग्दा पनि कुनै सुधार हुन नसकेको भन्दै दुख व्यक्त गर्नुभयो ।

उहाँले विकास निर्माण अवरोध गर्ने तत्वका बारेमा जानकारी गराई छलफलमा आउन पनि सम्बन्धित मन्त्रालयका मन्त्री तथा सचिवलाई निर्देशन दिनुभयो । आयोजना र विकासको कामलाई रोक्न नहुने भन्दै प्रधानमन्त्री ओलीले विकास निर्माणमा कुनै कानुनी जटिलता भए छलफल गरेर निकास निकाल्ने पनि दावी गर्नुभयो ।

यस्तै उहाँले सानातिना कुरा निकालेर सरकारमाथि आक्रमण भइरहेकाले सचेत हुन पनि निर्देशन दिनु भएको छ । देशमा समृद्धि र विकास ल्याउनु अपरिहार्य भएकाले झिनामसिना कुरामा नअल्झिन पनि उहाँको निर्देशन छ ।

प्रधानमन्त्री ओली संघीयता बलियो नभएको भन्दै भइरहेका टिप्पणीप्रति व्यंग्य गर्दै भन्नुभयोः ‘बाघले अर्ना पनि मार्छ तर त्यो बच्चामा लुलो हुन्छ । बाघको बच्चा लुलो भयो भन्नु भन्दा पनि बाघ त बाघ नै हो, हुर्के पछि शक्तिवान हुन्छ । संघीयता पनि अहिले हुर्कदै छ । विस्तारै बलियो बन्दै जानेछ ।’

अन्तिम अपडेट: पुस १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाघको बच्चाजस्तै संघीयता पनि हुर्केपछि बलियो बन्दै जान्छ : प्रधानमन्त्री ओली

फाइल तस्बिर

तपाईको प्रतिक्रिया