पार्टीभित्रको गुट अन्त्य गर्न कांग्रेस जिल्ला सभापतिहरुको माग

 असार ६, २०७५ बुधबार ८:३३:३२ | उज्यालो सहकर्मी

मकवानपुर - नेपाली कांग्रेसका जिल्ला सभापतिहरुले पार्टीभित्रको गुट, उपगुट अन्त्य गर्न माग गरेका छन् ।

हेटौंडामा चलिरहेको पार्टी सभापतिहरुको राष्ट्रिय भेलाबाट अब पार्टीलाई एक ढिक्का भएको सन्देश दिनुपर्ने उनीहको माग छ ।

पार्टी भित्रको चरम गुट, उपगुट र कम्युनिष्टका दुई पार्टी एक भएर चुनाव लडेका कारण पराजय भोग्नुपरेको पनि उनीहरुको ठम्याई छ । 

नेपाली कांग्रेस बागलुङ सभापति दिपेन्द्र बहादुर थापा भन्नुहुन्छ, ‘अब व्यक्तिवादीभन्दा पनि सिंगो कांग्रेसको हितका निम्ति एउटा सन्देश लिएर जानैपर्छ, व्यक्ति भन्दा पनि संस्थालाई ध्यानमा राखेर सबैले काम गर्नुपर्छ ।’ 

मंगलबार सुरु भएको भेलामा पार्टी सभापति शेरबहादुर देउवादेखि वरिष्ठ नेता रामचन्द्र पौडेल, उपसभापति बिमलेन्द्र निधि, संसदीय दलका उपनेता विजयकुमार गच्छदार, महामन्त्री डा. शशांक कोइराला सम्मका नेताहरुले पनि एकतामा जोड दिए ।

तर एकताको कुरा गरेपनि संस्थापन र पौडेल पक्षले आफ्नो गुटलाई कसरी बलियो बनाउन सकिन्छ भन्नेमा भेलामा पनि अनौपचारिक छलफल गरिरहेका छन् ।

भेलामा आफ्ना पक्षका सभापति र केन्द्रीय समितिका नेताले कुरा एकताको गर्ने, तर आफ्नो गुटलाई नै हाबी बनाउने तयारीमा लागेको भन्दै सभापतिहरु रुष्ट समेत भएका छन् ।

‘दुई किनारामा रहेका दुई कम्युनिष्टबीच एकता भैसक्दा समेत एउटै कांग्रेसभित्रका दुई खेमा चाहिँ किन एक हुन सक्दैनन् ?’ महोत्तरीका कांग्रेस सभापति महेन्द्र कुमार राय यादवले प्रश्न गर्नुभयो । 

यस्तै कांग्रेस बर्दियाका सभापति सञ्जय गौतम भन्नुहुन्छ, ‘यही स्थितिमा कांग्रेस अगाडि बढ्न सक्दैन, अब पार्टीलाई नयाँ ढंगबाट अगाडि बढाउनुको विकल्प पनि छैन ।’ 
 

अन्तिम अपडेट: पुस ४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई