राष्ट्रिय सभाबाट पनि ‘राष्ट्रिय चिकित्सा शिक्षा विधेयक’ पारित

माघ १७, २०७५ बिहीबार १५:३५:१० | उज्यालो सहकर्मी

काठमाण्डौ - प्रमुख प्रतिपक्षी दल नेपाली कांग्रेसको विरोधकाबीच राष्ट्रिय सभाबाट पनि ‘राष्ट्रिय चिकित्सा शिक्षा विधेयक २०७५’ पारित भएको छ ।

बिहीबार बसेको राष्ट्रियसभा बैठकमा कांग्रेसले उठेर विरोध जनाइरहे पनि राष्ट्रियसभा अध्यक्ष गणेश प्रसाद तिमिल्सिनाले विधेयकमाथिको कारबाही अघि बढाउनुभएको थियो ।

कांग्रेस सांसदहरूले उठेर विरोध जनाइरहे पनि अध्यक्ष तिमिल्सिनाले शिक्षा, विज्ञान तथा प्रविधिमन्त्री गिरिराजमणि पोखरेलले विधेयक पारित गरियोस् भन्ने प्रस्ताव सर्वसम्मतिले पारित भएको घोषणा गर्नुभयो ।

अध्यक्षले शिक्षामन्त्री पोखरेलले सदनमा प्रस्तुत गर्नुभएको विधेयकमा छलफलमा भाग लिन आग्रह गरे पनि विपक्षी कांग्रेसले विधेयकमाथि कुनै पनि प्रकृयामा भाग नलिने जनाएपछि पारित भएको घोषणा गर्नुभएको हो ।

सांसद वृशेषचन्द्र लालले विधेयकमाथि संशोधनको प्रस्ताव पेश गर्नुभएको भए पनि त्यस प्रस्ताव बहुमतले अस्वीकृत भएको थियो ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्