न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
मकवानपुर – नेपाली कांग्रेसका जिल्ला सभापतिहरुले पार्टी नेतृत्व तत्काल रुपान्तरण हुन जरुरी रहेको बताएका छन् ।
उनीहरुले रुपान्तरण भएर मात्र कांग्रेस अगाडि बढ्न सक्ने बताएका हुन् । आज दिनभर नेपाली कांग्रेसका ३५ जिल्लाका सभापतिहरुले बोल्ने क्रममा पार्टीको केन्द्रीय नेतृत्व तहबाटै स्थानीय तहसम्म पार्टीमा रुपान्तरण आवश्यक रहेको बताएका छन् ।
कांग्रेसमा शेरबहादुर देउवा र रामचन्द्र पौडेलको गुट भन्दा पनि एकताबद्ध भएर अगाडि बढ्नका लागि जिल्ला सभापतिहरुले सुझाव दिएको प्रवक्ता शर्माले बताउनुभयो । जिल्ला सभापतिहरुले अझ्र पनि गुट–उपगुटमा कांग्रेस चल्ने हो भने आफै सिद्धिने बताएका छन् । अहिले सरकार कम्युनिष्टले चलाए पनि कांग्रेसले बलियो प्रतिपक्षको भूमिका निर्वाह गर्न नसकेकोमा जिल्ला सभापतिहरुले आपत्ति जनाएका छन् ।
जिल्लास्तरमा कांग्रेस बलियो बनाउनका लागि आफूहरुले भूमिका खेल्ने र केन्द्रमा नेतृत्वले पहल गर्नका लागि पार्टीलाई सुझाव दिएका छन् । पार्टी नेतृत्वले आत्मसमीक्षा गरेर अगाडि बढ्नुको विकल्प नभएको उनीहरुको भनाई छ । भोलि पनि बिहानैदेखि बाँकी जिल्लाका जिल्ला सभापतिहरुले आफ्ना धारणा राख्ने कार्यक्रम रहेको छ ।
जिल्ला सभापतिहरुले नेतृत्वको कडा आलोचनासमेत गरेका छन् । बिहान ११ बजेबाट सुरु भएको बन्दसत्रमा बोल्दै नेतृत्वकै कारण कांग्रेसले चुनावमा हार ब्यहोरेको जिल्ला सभापतिहरुले आरोप लगाएका छन् ।
मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।