बजेट अधिवेशनको शुरुमै संसद अवरोध भएपछि सरकार दबाबमा
बैशाख २९, २०८१ शनिबार
नेपाल र यूएई टी–२० सिरिज जित्नका लागि आइतबार एक अर्कासँग प्रतिस्पर्धा गर्दैछन् ।
नेपालकाे टी–२० सिरिज पनि जितेर इतिहास बनाउने लक्ष्य रहेको छ भने यूएईलाई घरमै एक दिवसीय सिरिज गुमाएको पीडा बिर्सिएर टी–२० सिरिज जोगाउने ध्याउन्न हुने छ ।
नेपाली टिममा अहिले युवा खेलाडीहरुको वर्चश्व रहेको छ । यूएई टुरमा अनुभवी खेलाडी शरद भेषावकर बिरामी परेका कारण खेल्नै गएनन् भने त्यहाँ पुगेका बसन्त रेग्मीको पनि प्रदर्शनबाट उत्साहित हुने ठाउँ छैन ।
त्यसैगरी नेपालले ओपनिङ र विकेट किपिङमा अपेक्षाकृत सफलता हात पारेको छैन । एक दिवसीय क्रिकेटमा विकेट किपिङ र ओपनिङ गरेका विनोद भण्डारी टी –२० मा शुरुका दुई खेलमा टिममा पर्न सकेनन् ।
टी–२० मा ओपनिङ तथा विकेट किपरको भूमिकामा आएका प्रदीप ऐरी दुवै खेलमा चल्न नसकेपछि उनी आइतबारको टिममा पर्ने सम्भावना न्यून रहेको छ ।
उनको ठाउँमा विनोद भण्डारीलाईनै खेलाउने योजना रहेको छ । यसैगरी बसन्त रेग्मीको खेल्ने सम्भावना पनि कम रहेको छ । एक दिवसीय क्रिकेटमा सबैभन्दा कम उमेरमा अर्धशतक बनाउने विश्व कीर्तिमान राखेका रोहितकुमार पौडेल टी–२० को पहिलो खेलमा नचलेपछि दोस्रो खेलमा बेन्चमै बस्न पुगे ।
यसैगरी सन्दीप जोराले अर्धशतक बनाउँदै रेकर्ड बनाएका थिए तर दोस्रो खेलमा उनको जोर चल्न सकेन । एक दिवसीय र टी–२० सिरिजका लागि १६ जना खेलाडी यूएई गएकोमा अहिलेसम्म भीम सार्कीले डेब्यु गर्न पाएका छैनन् ।
युवा खेलाडीहरुले डेब्यु खेलमै राम्रो प्रदर्शन गरेकाले युवा खेलाडीहरु नै अन्तिम खेलमा पनि सहभागी हुनेछन् ।
भोलिको सम्भावित नेपाली टिममा पारस खड्का, ज्ञानेन्द्र मल्ल, विनोद भण्डारी, करण केसी, दीपेन्द्रसिंह ऐरी, पवन शर्राफ, सोमपाल कामी, सन्दीप लामिछाने, अभिनास बोहरा टिममा पर्ने छन् ।
यसैगरी सन्दीप जोरा, रोहित कुमार पौडेल, ललितनारायण राजबंशी र भीम सार्की मध्यबाट बाँकी २ जना खेलाडीले अन्तिम ११ मा स्थान बनाउने छन् ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।