आयोजक रुसलाई ३–० ले हराउँदै समूह विजेता बन्यो उरुग्वे

असार ११, २०७५ सोमबार २२:३:१६ | एजेन्सी

घरेलु टोली रुसलाई पराजित गरी उरुग्वे विश्वकप फुटबलको समूह ए बाट विजेता बनेको छ । समूह चरणमा शतप्रतिशत जित निकाल्ने क्रममा उरुग्वेले १० खेलाडीमा सीमित आयोजक रुसलाई ३–० गोलले हरायो ।

सामारा एरिनामा घरेलु टोलीले खेलको दशौं मिनेटमै गोल खाएको थियो । यसअघि साउदी अरबविरुद्धको जितमा गोल गरका लुइस स्वारेजले आज पनि सुरुवाति गोल गरेका थिए ।

२३औं मिनेटमा उपहार गोलमार्फत उरुग्वेले अग्रता दोब्बर बनायो । डिएगो स्वारेजले डिबक्स बाहिरबाट गरेको शशक्त प्रहार क्लियर गर्न लाग्दा रुसका डेनिस चेरिसेभले आफ्नै पोस्टमा गोल गर्न पुगेका थिए ।

खेलको ३६औैं मिनेटमा रुस १० खेलाडीमा समेटियो । उसका डिफेण्डर इगर स्मोल्निकोभ दोहोरो पहेँलो कार्ड खाँदै मैदान बाहिरिन बाध्य भए । त्यसपछि रुसले रक्षात्मक खेल्न बाध्य भयो ।

तर, खेलको अन्तिम समयमा एडिन्सन काभानीले गोल गर्न सफल भए । जारी विश्वकपमा पीएसजी फरवार्ड काभानीको यो पहिलो गोल हो ।

यसअघिका दुई खेलमा साउदी अरब र इजिप्टविरुद्ध सहज जित हासिल गरेको रुस दुई पटकको च्याम्पियन उरुग्वेसँग भने कमजोर देखियो । यद्यपि समूह उपविजेताका रुपमा उसले नकआउट चरणमा स्थान बनाएको छ ।

समूह ए को विजेता उरुग्वेले प्रिक्वार्टरफाइनल चरणमा समूह बीको उपविजेतासँग तथा समूह एको उपविजेता रुसले समूह बी को विजेतासँग खेल्नेछ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्