मुग्लिन–नारायणगढ सडक खुल्यो

 असार १२, २०७५ मंगलबार १८:१६:२६ | राधेश्याम खतिवडा

चितवन – पहिरोका कारण दिनभर बन्द रहेको मुग्लिन–नारायणगढ सडकखण्ड खुलेको छ ।

मंगलबार बिहानै चारकिलो र कालीखोला नजिकै गएको पहिरोका कारण सडक अवरद्ध भएका कारण यात्रुको बिचल्ली भएको थियो । केहीबेरअघि बाटो खुले पनि चापले गाडी ओहोरदोहोर गर्न समस्या भइरहेको ट्राफिक प्रहरीले जनाएको छ ।

नागढुंगाका सई हरि भट्टराईका अनुसार सडक खुलेर  गाडी चल्न थाले पनि लामो जामका कारण यात्रु र खासगरी बिरामी समस्यामा परेका छन् । बिहानै पहिरो गएपछि बेलैमा समन्वय नहुँदा पहिरो पन्छाउने काम ढिलो गरी सुरु भएको थियो ।

बिहान चारकिलो र कालीखोला नजिकै गएको पहिरोका कारण ७ किलोमिटरसम्म गाडीको लाम लागेको थियो । बाटो विस्तारका क्रममा काटिएको पहाड र भित्तोबाट पहिरो खस्दा यो खण्डमा यात्रा जोखिमयुक्त बन्दै गएको छ ।  अध्ययन प्रतिवेदनले यो खण्डलाई जोखिमयुक्त क्षेत्रको सूचीमा पनि राखेको छ ।

काठमाडौं जोड्ने मुख्य यो सडकखण्डमा दैनिक हजारौँ यात्रुले ओहोरदोहोर गर्छन् । तर उनीहरुको यात्रा सहज भने कहिल्यै हुँदैन । यात्रुसँगै यो खण्डमा गाडी चलाउने चालकहरु पनि बाटोकै कारण हैरान भएका छन् ।

सामान्य वर्षा हुँदा पहिरो जाने भए पछि यात्रा खतरापूर्ण बन्दै छ । पहिरो र बाटो विस्तारका कारण हरेक दिन यो खण्डमा लामो जाम हुने गरेको छ । 

अन्तिम अपडेट: मंसिर ३०, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधेश्याम खतिवडा

राधेश्याम खतिवडा उज्यालोका चितवन सहकर्मी र नेपाल पत्रकार महासंघ चितवन शाखाका पूर्व अध्यक्ष हुनुहुन्छ । 

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई