भक्तपुरमा धान रोप्दै देउवाले भने : अब कांग्रेस एक भएर अगाडि बढ्नुपर्छ

असार १५, २०७५ शुक्रबार १४:३१:४३ | उज्यालो सहकर्मी

भक्तपुर – नेपाली कांग्रेसका सभापति एवं पूर्वप्रधानमन्त्री शेरबहादुर देउवाले पार्टीमा सबैजना एक भएर अगाडि बढ्नुको विकल्प नभएको बताउनु भएको छ ।

नेपाली कांग्रेस चाँगुनारायण नगर समितिले असार १५ धान दिवसको अवसरमा आज भक्तपुरको बागेश्वरीमा आयोजना गरेको रोपाइँ कार्यक्रममा बोल्दै उहाँले सबै मिलेर पार्टीलाई अगाडि बढाउनु पर्ने बताउनु भएको हो ।

देउवाले भन्नुभयो, ‘कांग्रेस आगामी दिनमा सबै एक भएर अगाडि बढे पुनः देशकै एक नम्बर पार्टी हुन्छ, सबैले आफ्नो गल्ती र कमीकमजोरीलाई सुर्धादै अगाडि बढ्न म आग्रह गर्दछु ।’

रोपाइँ कार्यक्रममा नेपालको सांस्कृतिक परम्पराले नेपाली संस्कृतिलाई जीवन्त बनाएको बताउँदै सभापति देउवाले धान दिवसले कृषि परम्परा र संस्कृतिको पहिचान स्थापित गरेको सभापति देउवाको भनाई छ । सभापति देउवाले खेतमा पसेर रोपाइँ गर्दा कार्यकर्ता एवं किसान उत्साहित भएका थिए ।

कार्यक्रममा केन्द्रीय सदस्य डिना संगौला, कांग्रेस भक्तपुरका सभापति दुर्लभ थापा, नगरसभापति यादव अधिकारीले मुलुकमा कम्युनिष्टहरुको अराजकता बढेको आरोप लगाएका थिए ।

अन्तिम अपडेट: मंसिर २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्