पाल्पाका १५६ विद्यार्थीको एसईई नतिजा रोकियो, विद्यालय र जिशिकाबीच आरोप–प्रत्यारोप

असार १६, २०७५ शनिबार ६:२७:३० | देव पचभैया

पाल्पा – पाल्पाका १५६ विद्यार्थीको एसईई परीक्षाको नतिजा रोकिएपछि विद्यालय र जिल्ला शिक्षा कार्यालयले एक अर्कालाई दोष लगाएका छन् ।

सँगै परीक्षा दिएकाको नतिजा आए पनि आफूहरुको नतिजा नआएपछि विद्यार्थी र अभिभावक चिन्तित छन् । पाल्पाका एकै विद्यालयको ९ जना सम्मका विद्यार्थीको नतिजा रोकिएको छ ।

विद्यार्थीको नाम, थर, उमेर, अल्फाबेट बिग्रिएको लगायतका कारण उनीहरुको परीक्षाको नतिजा रोकिएको जिल्ला शिक्षा कार्यालय पाल्पाले जनाएको छ । ‘हामीले पटक–पटक विद्यालयलाई कुनै फरक परेको भए सच्याउ भनेकै हौँ’, जिल्ला शिक्षा कार्यालयका शाखा अधिकृत महेन्द्र सुवेदीले भन्नुभयो, ‘विद्यालयले यसप्रति ध्यान दिन नसक्दा समस्या भएको हो ।’

तर जनता मावि तानसेनका प्रधानाध्यापक मेघराज पौडेलले शिक्षा कार्यालयले राजश्व बुझेपछि मात्रै विद्यार्थीको रजिष्टे«शन, प्रवेश पत्र आएको भन्दै शिक्षा कार्यालय र परीक्षा नियन्त्रण कार्यालयकै गल्तीले विद्यार्थीले दुःख पाएको आरोप लगाउनुभयो । ‘विद्यालय र विद्यार्थीको गल्ती भएर होइन’, उहाँले भन्नुभयो ‘शिक्षा कार्यालय र पनिकाको गल्ती छ ।’

नतिजा नआएपछि के गर्नुपर्छ भनेर विद्यालय र शिक्षकले पनि खासै चासो नदिएको त्रिभुवन मावि, अर्गलीबाट एसईई दिएका केशव पाण्डेकी आमा सीता पाण्डेले गुनासो गर्नुभयो । ‘सिम्बोल नम्बर हान्दा यो नम्बर लिष्टमा छैन मात्रै भन्यो’, उहाँले भन्नुभयो, ‘अब के गर्ने भन्नेबारे दुई–तीन दिन अलमलमा परियो ।’

जिल्ला शिक्षा कार्यालय, पाल्पाका अनुसार नतिजाका वारेमा जानकारी लिन परीक्षा केन्द्रका केन्द्राध्यक्षद्वारा विद्यार्थीको हाजिरी पुगेको प्रमाणसहितको सिफारिस, परिक्षाको प्रवेश पत्र र शिक्षा कार्यालयको सिफारिस लिएर परीक्षा नियन्त्रण कार्यालयमा जानुपर्छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पाल्पाका १५६ विद्यार्थीको एसईई नतिजा रोकियो, विद्यालय र जिशिकाबीच आरोप–प्रत्यारोप

आफ्नो नतिजा नआएपछि जिल्ला शिक्षा कार्यालयमा आएका केशव र उनकी आमा सीता पाण्डे

तपाईको प्रतिक्रिया