काठमाडाैंं - सशस्त्र प्रहरी निरीक्षक स्व. दुर्गाबाबु पाठकको स्मृतिमा स्थापित दुर्गाबाबु पाठक स्मृति संगीत पुरस्कर नेपाल एपीएफ स्कुलमा कक्षा ६ मा अध्ययनरत छात्र आशिष रोकायालाई प्रदान गरिएको छ ।

गएको बर्ष पनि यो पुरस्कर उनले नै प्राप्त गर्न सफल भएका थिए ।

स्व. पाठकको स्मृतिमा उनका एकै ब्याचका सहकर्मीद्वारा स्थापना गरिएको अक्षयकोषबाट प्रत्येक वर्ष सशस्त्र प्रहरी परिवार महिला संघको वार्षिक उत्सवको अवसर पारेर नेपाल एपीएफ स्कुलमा संगीततर्फ प्रथम हुने एक जना छात्रछात्रालाइ त्यो पुरस्कार प्रदान गर्दै आएको सशस्त्र प्रहरी निरीक्षक शैलेन्द्र थापाले जानकारी दिए ।

यही असार १७ गते सशस्त्र प्रहरी बल मुख्यालय हलचोकमा आयोजित संघको १७ औं वार्षिक उत्सवको समारोहमा संघको अध्यक्ष श्रीमती सरिता खनालले पुरस्कार प्रदान गर्नु भएको हो ।

सानैदेखि गीत संगीतमा रुची राख्ने स्व. पाठकले पंक्षी र निन्द्रा लाग्दैन गरी २ वटा एल्बम बजारमा ल्याएका थिए । गीत लेख्ने, संगीत दिने र आफै गाउने समेतको प्रतिभा भएका स्व. पाठक संगठनमा समेत अनुशासित र अब्बल अधिकृत का रुपमा चिनिन्थे ।
कर्तव्य पालनाको सिलसिलामा २०७२ साल चैत्र २८ गते धादिङको मलेखुमा सडक दुर्घटनामा परि उनको निधन भएको थियो ।