प्रदेश तीनका ४७ स्थानीय तहमा दमकल, एम्बुलेन्स र शववाहन खरिद गर्न रकम निकासा

वैशाख २३, २०७६ सोमबार १२:१४:१० | उज्यालो सहकर्मी

मकवानपुर – प्रदेश नम्बर –३ सरकारले हरेक स्थानीय तहका नागरिकलाई सेवा दिने उद्देश्यले एम्बुलेन्स, दमकल र शववाहन खरिद गर्नका लागि रकम पठाएको छ ।

प्रदेश ३ का १ सय १९ वटै स्थानीय तहलाई नागरिकको सहजताका लागि सेवामुलक सवारी खरिद गर्न प्रस्ताव पठाउन आह्वान गरिएको थियो ।

प्रदेश ३ का ४७ वटा स्थानीय तहले ५० वटा सेवा मुलक सवारी खरिद गर्नका लागि अनुमति पाएका छन् । अनुमति पाएका स्थानीय तहलाई रकम पनि निकासा गरिएको प्रदेश नम्बर ३ का आर्थिक मामिला तथा योजनामन्त्री कैलाशप्रसाद ढुंगेलले बताउनुभयो ।

स्थानीय तहमा ५० वटा सवारीका लागि १० करोड ५७ लाख रुपैयाँ निकासा गरिएको मन्त्री ढुंगेलले बताउनुभयो । सेवामुलक सवारीसँगै धेरै जसो स्थानीय तहमा प्रदेश सरकारलाई नागरिकसँग जोडिनका लागि सहज पनि भएको छ । सबै स्थानीय तहलाई सवारी खरिद गर्नका लागि अनुमति दिए लगत्तै काम सुरु गरिएको उहाँले बताउनुभयो ।

दमकल खरिद गर्ने स्थानीय तहले ६० लाख, एम्बुलेन्स खरिद गर्ने स्थानीय तहले १६ लाख र शववाहन खरिद गर्ने स्थानीय तहले ३१ लख रुपैयाँका दरले रकम प्राप्त गरेका हुन् ।

प्रदेशको आर्थिक मामिला तथा योजना मन्त्रालयले प्रदेश कोष तथा लेखा नियन्त्रण कार्यालयमार्फत रकम निकासा गरेको जनाएको छ ।

अन्तिम अपडेट: पुस १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्