काठमाडाैं - नेकपा (क्रान्तिकारी माओवादी) का महासचिव मोहन वैद्यले प्रधानमन्त्री केपी शर्मा ओलीलाई दम्भ नदेखाउन चेतावनी दिनुभएको छ । 

महासचिव वैद्यले राजा, महाराजाको अवतारको रुपमा प्रधानमन्त्री ओलीले दम्भ देखाउने गरेको भन्दै त्यो धेरै दिन नटिक्ने दावी समेत गर्नु भयो ।

बुधबार काठमाडाैंमा आयोजित कार्यक्रममा उहाँले उत्पादन वृद्धि नगर्ने तर विकास र समृद्धिको नारा उराल्ने काम नगर्न पनि प्रधानमन्त्री ओलीको गम्भीर ध्यानाकर्षण गराउनुभयो ।

महासचिव वैद्यले करिव १३ अर्ब व्यापार घाटा रहेको मुुलुकमा विकास र समृद्धिको नारा उराल्न प्रधानमन्त्री ओलीले नसुहाउने तर्क पनि गर्नुभयो ।

उहाँले जनयुद्धका महान सहिदहरुको सपनामाथि गम्भीर आघात पारेको भन्दै पुष्पकमल दाहालको चर्को आलोचना पनि गर्नुभयो ।