यौन सम्बन्ध लुकाउन भदैनीको हत्या

असार २१, २०७५ बिहीबार १३:५७:३२ | उज्यालो सहकर्मी

काभ्रे –तेमाल गाउँपालिका –१, आधाबाटोमा अवैध सम्बन्ध लुकाउन आफ्नै भदैनीको हत्या भएको छ ।

हत्या हुनेमा तेमाल १ आधाबाटोकी ९ वर्षीया एलिसा तामाङ छिन् । बाख्राको खोरमा २१ वर्षीया फुपू मिना तामाङ र ज्यामी काम गर्ने २३ वर्षीय जोखन मन्सुरले अवैध (यौन) सम्बन्ध राखिरहेकोे अवस्थामा एलिसाले देखेपछि घटना सार्वजनिक हुने डरले भदैनीको हत्या भएको प्रहरीले जनाएको छ ।

प्रहरी चौकी कानपुरका अनसार नजिकैको मकै बारीको कान्लामा एलिसाको घाँटी थिचेको अवस्थामा गाउँलेले जोखन मन्सुरलाई समातेका थिए । गाउँलेले मन्सुरलाई देख्ने बेलासम्म एलिसाको भने ज्यान गइसकेको प्रहरीले जनाएको छ । गाउँलेले बालिकाको हत्या गरेको भन्दै मन्सुर र मिनालाई कुटपिट समेत गरेका थिए । कुटपिटबाट दुवैको टाउकोमा चोट लागेको छ । प्रहरीका अनुसार तेमालमा ज्यामी काम गर्दै आएका २३ वर्षीय मन्सुर र एलिसाकी फुपू २१ वर्षीया मिना बीचमा केही समयदेखि सम्बन्ध रहदै आएको खुलेको छ । मन्सुर केही समयदेखि एलिसाकै घरमा बस्दै आएका थिए ।

जिल्ला प्रहरी कार्यालय काभ्रेमा सूचना अधिकारी एवं डीएसपी महेन्द्रप्रसाद मरासिनीले घटना सार्वजनिक हुने डरले फुपू मिना र मन्सुर मिलेर बालिकाको हत्या गरेको प्रारम्भिक अनुसन्धानका क्रममा खुलेको जानकारी दिनुभयो ।

प्रहरी चौकी कानपुरले हत्यामा संलग्न दुवैलाई पक्रेर जिल्ला प्रहरी कार्यालय काभ्रेमा पठाएको छ । जिल्ला प्रहरी कार्यालय काभ्रेका अनुसार दुवैलाई जिल्ला प्रहरी कार्यालय काभ्रेमा राखिएको र अनुसन्धान सुरु गरिएको जानकारी दिएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्