लमजुङ – वर्षाका कारण आएको बाढीले निर्माणाधीन रुदीखोला ‘ए’ जलविद्युत आयोजनामा क्षति पुर्याएको छ ।

लमजुङ र कास्कीको सीमानामा पर्ने रुदी खोलामा निर्माणाधीन ८.८ मेगावाट क्षमताको जलविद्युत आयोजनामा बाढीले क्षति पुर्याएको हो । आयोजनाका डिपुटी प्रोजेक्ट म्यानेजर सरोज भट्टराईका अनुसार वर्षासंगै आएको बाढीका कारण निर्माण भईसकेका संरचनामा क्षति पुगेको छ ।

पेनस्टक पाइप राखिसकेको ठाउँमा पहिरोले पाइप हानेकाले दोहो¥याएर काम गनुपर्ने भएको छ । सर्ज पाइपमा पहिरोले गर्दा एङ्कर ब्लकको ढलान हुन सकेको छैन । पेनस्टकमा दुईवटा एङ्कर ढलानको काम बाँकी छ । 

पहिरोले सडक अवरुद्ध बनाउँदा आवश्यक निर्माण सामाग्री ढुवानीमा समस्या परेको छ । आयोजनाको पावर हाउसको काम र इलेक्ट्रोमेकानिकल अन्तर्गत टर्बाईन र जेनेरेटरको जडान कार्य सकिएको छ । हेडवक्र्स अन्तर्गत सिभिलको काम सकिएको छ । 

‘अबको ४५ दिनभित्र सबै काम सक्ने लक्ष्य छ,’ भट्टराईले भन्नुभयो, ‘भदौ मसान्तसम्ममा परीक्षण उत्पादन पछि उत्पादित विद्युत केन्द्रीय प्रसारण लाइनमा जोडिनेछ ।’

रुदीखोला ‘ए’ जलविद्युत आयोजनाको २०६९ माघ २८ गते नेपाल विद्युत प्राधिकरणसँग विद्युत खरिद—सम्झौता (पिपिए) भएको हो । आयोजनाको हिउँदमा ८ रुपैयाँ ४० पैसा र वर्षायाममा ४ रुपैयाँ ८० पैसामा पीपीए सम्झौता भएको हो ।