राष्ट्रसंघका स्थायी प्रतिनिधि भट्टराईलाई सरकारले फिर्ता बोलायो

राजदुत नियुक्त गर्ने सम्बन्धी मापदण्ड स्वीकृत

असार २४, २०७५ सोमबार ५:४२:३३ | उज्यालो सहकर्मी

काठमाडौं - सरकारले संयुक्त राष्ट्रसंघका लागि नेपालको स्थायी नियोग न्युयोर्कका राजदुत दुर्गाप्रसाद भट्टराईलाई फिर्ता बोलाएको छ । आइतबार बेलुकी प्रधानमन्त्री कार्यालयमा बसेको मन्त्रीपरिषद् बैठकले संयुक्त राष्ट्रसंघका लागि नेपालका स्थायी प्रतिनिधि दुर्गा प्रसाद भट्टराईलाई साउन १५ गते भित्र नेपाल फर्कन सूचना दिने निर्णय गरेको हो ।

त्यसैगरी बैठकले राजदुत नियुक्त गर्ने सम्बन्धी मापदण्ड २०७५ लाई स्वीकृत गरेको छ । त्यसैगरी सरकारले विश्व बैक समुहको अन्तराष्ट्रिय विकास संस्थाबाट नेपालको उर्जा क्षेत्रमा लगानी बढाउने तथा कार्यकुशलतामा सुधारको लागि बजेट सहायता स्वरुप उपलब्ध हुने १० अर्ब रुपैयाँ ऋण स्वीकार गर्ने भएको छ ।

भारतीय सहयोगमा संचालन गरिने साना विकास परियोजनाको लागि कार्यान्वय गर्ने निकाय र कार्यान्वय प्रक्रिया तोक्ने निर्णय पनि बैठकले गरेको छ ।
मानव अधिकार आयोगले क्षतिपूर्ति निर्धारण गरि कार्यान्वयन गर्न सिफारिस गरे बमोजिमको ३३ जना व्यक्तिलाई क्षतिपूर्ति उपलब्ध गराउने निर्णय पनि बैठकले गरेको छ ।

नेपाल र साउदी अरेविया सरकारबीच उद्योग, व्यापार, लगानी, विज्ञान सूचना प्रविधि, पर्यटन तथा खेलकुद लगायत क्षेत्रमा सहयोग हस्तान्तरण गर्ने सम्बन्धी दुई देशबीचको सम्झौतामा हस्ताक्षर गर्ने निर्णय पनि भएको छ ।

बैठकले जन्म मृत्यु तथा अन्य व्यक्तिगत घटना दर्ता दोश्रो संसोधन नियमावली २०७५, बाल श्रम निवारण सम्बन्धी राष्ट्रिय गुरुयोजना र विद्युत् नियमन आयोग नियमावलि २०७५ स्वीकृत गरेको छ ।

त्यसैगरी स्थानीय निकाय वित्त आयोज खारेज गरी त्यसको सचिवालयमा रहेको विवरण, स्रोत र सम्पत्ति राष्ट्रिय प्राकृतिक तथा वित्त आयोगमा हस्तान्तरण गर्ने निर्णय पनि भएको छ ।

अन्तिम अपडेट: पुस १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्