सरकारले दिगाे विकास हासिल गर्न आवश्यक तयारी गर्न नसकेकाे पूर्व अर्थमन्त्रीहरुकाे निष्कर्ष

साउन १०, २०७६ शुक्रबार १४:३२:३ | उज्यालो सहकर्मी

काठमाण्डौ – पूर्व अर्थमन्त्रीहरुले सरकारले दिगाे विकास लक्ष्य हासिल हुने गरी आर्थिक विकास गर्न आवश्यक तयारी गर्न नसकेको निष्कर्ष निकालेका छन् ।

पूर्व अर्थमन्त्री एवं समाजवादी पार्टी, नेपाल संघीय परिषद्का अध्यक्ष डा. बाबुराम भट्टराई, कांग्रेस नेता एवम् पूर्व अर्थमन्त्री डा.रामशरण महत र नेकपाका नेता एवम् पूर्व अर्थमन्त्री सुरेन्द्र पाण्डेले दिगाे विकास लक्ष्य हासिल हुने गरी आर्थिक विकास गर्न सरकारले आवश्यक तयारी गर्न नसकेको निष्कर्ष सुनाउनु भएको हो ।

शुक्रबार काठमाण्डौमा ‘नेपाल इकोनोमिक आउट लुक’ सार्वजनिक कार्यक्रममा बोल्दै पूर्व प्रधानमन्त्री भट्टराईले सरकारले मुलुकको दिगो आर्थिक विकासका लागि दोहोरो अंकको आर्थिक विकास हुने गरी लगानीको व्यवस्था गर्न नसकेको स्पष्ट पार्नुभयो ।

उहाँले आर्थिक विकासलाई सरकारले मूल एजेण्डा बनाए पनि त्यसका लागि आवश्यक लगानीको वातावरण बनाउन नसकेको दावी गर्नुभयो । आन्तरिक तथा बाह्य लगानीको व्यवस्था र पूर्वाधार विकासमा जोड दिएर मात्रै नेपालको दिगाे विकास लक्ष्य हासिल हुने गरी आर्थिक विकास हुन सक्ने पूर्व अर्थमन्त्री भट्टराईको सुझाव रहेको छ ।

कांग्रेस नेता एवं पूर्व अर्थमन्त्री डा. महतले सरकारले दिगाे विकास लक्ष्य हासिल हुने गरी मुलुकको आर्थिक विकास गर्न आवश्यक योजनासमेत तय गर्न नसकेको बताउनु भयो । उहाँले मुलुकको दिगाे आर्थिक विकासका लागि संस्थागत क्षमता अभिवृद्धिमा सरकारले जोड दिनुपर्ने आवश्यक्ता औंल्याउनु भयो ।

पूर्व अर्थमन्त्री एवम् सत्तारुढ नेकपाका नेता पाण्डेले राजनीति सुधार नभएका कारण मुलुकमा दिगो विकास लक्ष्य हासिल हुने गरी आर्थिक विकास हुन नसकेको दावी गर्नु भयो । उहाँले राजनीतिक, प्रशासनिक र शैक्षिक क्षेत्रको सुधार गरेर मात्रै मुलुकमा दिगाे विकास लक्ष्य हासिल हुने गरी आर्थिक विकास गर्न सकिने पनि स्पष्ट पार्नु भयो ।

पूर्व अर्थमन्त्री पाण्डेले दिगो आर्थिक विकासका लागि धेरै योजना तय गर्ने भन्दा पनि थोरै योजना तय गरेर त्यसलाई सम्पन्न गर्दै अघि बढ्न सरकारलाई सुझाव दिनु भयो ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्