प्रहरीले तत्कालै कदम नचालेको भए करोडौं लुटिन सक्थ्यो, बैंक तथा वित्तीय संस्थामा प्रविधिको जोखिम बढ्दै

भदौ १५, २०७६ आइतबार १५:५:४२ | उज्यालो सहकर्मी

काठमाण्डौ – प्रहरीले प्रविधिको प्रयोगसँगै बैंक तथा वित्तीय संस्थामा सुरक्षा चुनौती थपिएको जनाएको छ ।

शनिबार राति पाँच जना चिनियाँ नागरिकले विभिन्न एटीएमको पिन ह्याक गरी १ करोड ६८ लाख रुपैयाँ लुटिएपछि प्रहरीले प्रविधिले बैंक तथा वित्तीय संस्थामा चुनौती थपेको जनाएको छ । महानगरीय प्रहरी परिसरमा भएको पत्रकार सम्मेलनमा परिसर प्रमुख प्रहरी वरिष्ठ उपरीक्षक उत्तमराज सुवेदीले केही विदेशीहरु नेपालमा बैंकिङ प्रणाली ह्याक गर्नकै लागि नेपाल आउने गरेको जानकारी दिनुभयो ।

शनिबार सोह्रखुट्टेको एक एटीएमबाट अस्वभाविक पैसा झिकिएको जानकारी आएपछि प्रहरीले तत्कालै एक्सन लिएको थियो । सुरुमा एकजना पक्राउ गरिएको र उनीमार्फत जयनेपाल हल नजिकैको होटलमा बसेका अन्य पाँच जनालाई पक्राउ गरिएको सुवेदीले जानकारी दिनुभयो ।

उनीहरुको साथबाट १ करोड ६८ लाख रुपैयाँ र ह्याक गर्न प्रयोग हुने डिभाइस पनि बरामद भएको छ । उनीहरुमाथि बैंकिङ कसुर मुद्दामा उच्च अदालतबाट म्याद थपेर अनुसन्धान भैरहेको छ ।

यसैबीच नेपाल बैंकर्स संघले लुटिएको रकमलाई लिएर निक्षेपकर्तालाई नआत्तिन सुझाव दिएको छ । नेपाल बैंकर्स संघका अध्यक्ष ज्ञानेन्द्र ढुंगानाले सबै बचतकर्ताको पैसा सुरक्षित रहेको बताउनु भयो । विदेशमा नेपालीले चलाइरहेका केही कार्डबाट पनि पैसा झिकिएको पनि उहाँले बताउनु भयो ।

प्रहरीले तत्कालै कदम चालेकोले ठूलो रकम लुटिनबाट जोगिएको बताउनु भयो । जहिले पनि प्रविधिभन्दा ह्याकर अघि रहने भएकाले चुनौती थपिएको पनि अध्यक्ष ढुंगानाले बताउनु भयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्