सरकारविरुद्ध सडकमै उत्रिने भयो कांग्रेस, यस्ता छन् आन्दोलनका कार्यक्रम

 साउन १, २०७५ मंगलबार १९:२:२९ | उज्यालो सहकर्मी

काठमाडौं – प्रमुख प्रतिपक्ष दल नेपाली कांग्रेसले सरकारविरुद्ध आन्दोलनको कार्यक्रम घोषणा गरेको छ । 

आफ्नो पार्टी नेतृत्वको अघिल्लो सरकारले तयार पारेको राष्ट्रिय चिकित्सा शिक्षा विधेयक हुबहु संसदमा पेश गर्नुपर्ने मुख्य मागसहित प्रमुख प्रतिपक्ष दल नेपाली कांग्रेसले सरकारविरुद्ध सडक आन्दोलनको कार्यक्रम घोषणा गरेको हो । 

गोविन्द केसीको जीवन रक्षाका लागि समेत पहल गर्न तयार नभएपछि सरकारविरुद्ध सडक संघर्षका कार्यक्रम घोषणा गर्न बाध्य हुनु परेको पार्टीका प्रवक्ता विश्वप्रकाश शर्माले जानकारी दिनुभयो । मंगलबार बिहान बसेको पार्टीका पदाधिकारी बैठकले तय गरेको घोषित आन्दोलनको कार्यक्रम अनुसार श्रावण ३ गते प्रजातन्त्रवादी चिकित्सक संघ र प्रजातन्त्रवादी प्राध्यापक संघको अगुवाईमा काठमाडौंको माइतीघर मण्डलामा सरकार विरुद्ध विरोध प्रर्दशन गरिनेछ । 

त्यसैगरी साउन ५ गते नेपाल तरुण दलको अगुवाईमा माइतीघर मण्डलामा दिउँसो १ बजे विरोध प्रर्दशन गरिनेछ । साउन ८ गते काठमाडौं उपत्यकाका पार्टीका संगठनहरुको अगुवाईमा माइतीघर मण्डलामै दिउँसो १ बजे सरकारविरुद्ध प्रर्दशन गर्ने कार्यक्रम पनि घोषणा गरिएको प्रवक्ता शर्माले बताउनुभयो ।

सरकारले आफ्नो पार्टी नेतृत्वको सरकारले ल्याएको अध्यादेशको भावलाई तोडेर राष्ट्रिय चिकित्सा शिक्षा प्रतिस्थापन विधेयक ल्याएपछि सरकारविरुद्ध सडक संघर्षमा जाने निर्णय गरेको प्रवक्ता शर्माको तर्क छ । 

यसैबीच कांग्रेस सभापति शेरबहादुर देउवाले मंगलबार दिउँसो प्रधानमन्त्री केपी ओलीसँग भेटेर गोविन्द केसीको जीवन रक्षाका लागि पहल गर्न सचेत गराउनु भएको छ । प्रधानमन्त्री निवास बालुवाटारमा भएको भेटमा सभापति देउवाले प्रधानमन्त्री ओलीलाई अघिल्लो सरकारले ल्याएको राष्ट्रिय चिकित्सा शिक्षा अध्यादेश हुबहु नल्याए आफ्नो पार्टीलाई मान्य नहुने चेतावनी पनि दिनु भएको पार्टीका प्रवक्ता विश्व प्रकाश शर्माले बताउनुभयो ।

नेपाली कांग्रेसले सरकारले महंगी नियन्त्रण नगरेको, काठमाडौंको विभिन्न स्थानमा लोकतान्त्रिक मूल्य, मान्यता विपरीत निषेधित क्षेत्र तोक्ने निर्णय सच्याउनुपर्ने माग राख्दै सदन अवरुद्ध गर्दै आएको थियो भने उसका भातृ संगठनहरुले सरकारविरुद्ध सडक आन्दोलन गर्दै आएका थिए ।

अन्तिम अपडेट: पुस ४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • िवनय

    July 18, 2018, 1:40 p.m.

    आफ्नो पार्टी नेतृत्वको सरकारले ल्याएको अध्यादेशको भावलाई तोडेर राष्ट्रिय चिकित्सा शिक्षा प्रतिस्थापन विधेयक ल्याएपछि सरकारविरुद्ध सडक संघर्षमा जाने निर्णय गरेको कागेसले सरकारमा हुँदा डा‍ के‍े सी काे मागमा कीन माैन थीयाे । पटक पटक अनशन वसेका डा मागलाइ सम्वाेधन नगरेकाे हाे ।

  •  0 Reply

  • िवनय

    July 18, 2018, 1:40 p.m.

    आफ्नो पार्टी नेतृत्वको सरकारले ल्याएको अध्यादेशको भावलाई तोडेर राष्ट्रिय चिकित्सा शिक्षा प्रतिस्थापन विधेयक ल्याएपछि सरकारविरुद्ध सडक संघर्षमा जाने निर्णय गरेको कागेसले सरकारमा हुँदा डा‍ के‍े सी काे मागमा कीन माैन थीयाे । पटक पटक अनशन वसेका डा मागलाइ सम्वाेधन नगरेकाे हाे ।

  •  0 Reply

तपाईको प्रतिक्रिया

समाचार

लोकप्रिय

१

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

२

हङकङलाई २ सय २६ रनले हराउँदै नेपालले एक खेलअघि नै जित्याे एकदिवसीय शृङ्खला

३

शेयर बजार सामान्य घट्याे

४

जनकपुरलाई हराउँदै सुदूरपश्चिम एनपीएलकाे फाइनलमा

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई