ग्लोबल आईएमई बैंकले अस्ट्रेलियामा शाखा खोल्ने

मंसिर २३, २०७६ सोमबार १८:९:२८ | उज्यालो सहकर्मी

काठमाण्डौ – नेपालमा भर्खरै २ ठूला बैंक मर्ज गरेको ग्लोबल आईएमई बैंकले अस्ट्रेलियामा शाखा खोल्ने भएको छ ।

अष्ट्रेलियाको सिड्नीमा भएको कार्यक्रममा बैंकका अध्यक्ष चन्द्र ढकालले अब विदेशमा शाखा खोलिने बताउनु भयो । उहाँले अहिले स्ट्रेलिया लगायत भारत, बेलायत, मलेसिया र जापानमा सम्पर्क कार्यालय रहेको आफ्नो बैंकले अस्ट्रेलियामा शाखा खोल्ने तयारी सुरु भएको पनि जानकारी दिनुभयो ।

सिड्नीमा भएको अन्तक्र्रियामा उहाँले अस्ट्रेलियामा भएका नेपाली लगानीकर्तालाई आफ्नो बैंक उपयुक्त सहजकर्ता हुन सक्ने बताउनुभयो । उहाँले गैरआवासीय नेपालीहरुको समेत लगानी निर्माण हुँदै गरेको दोर्दी जलविद्युत् आयोजना छिट्टै सञ्चालनमा आउने पनि बताउनु भयो ।

अन्तर्क्रियामा गैरआवासीय नेपाली संघको अन्तर्राष्ट्रिय समितिका उपाध्यक्ष मन केसीले आफ्नो संस्था दश अर्ब बराबरको गैरआवासीय नेपालीहरुको संयुक्त कोष निर्माण गर्ने तयारीमा रहेको जानकारी दिनुभयाे ।

कोष निर्माणसँगै नेपालमा गैरआवासीय नेपालीहरुको ठूलो तथा संयुक्त लगानी सुरु हुने केसीले बताउनु भयो । कार्यक्रममा सिड्नीमा क्रियाशील दुई दर्जन व्यवसायी तथा गैरआवासीय नेपाली अगुवाहरु उपस्थित थिए ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्