बाँकेमा एक वर्षमा आठ सय जना वैवाहिक अंगीकृत नागरिक

साउन ४, २०७५ शुक्रबार ७:१९:२२ | उज्यालो सहकर्मी

बाँके – जिल्ला प्रशासन कार्यालय बाँकेले एक वर्षमा नेपाली नागरिकसँग विवाह गर्ने आठ सय जना भारतीय महिलालाई नेपाली नागरिकता प्रदान गरेको छ । बाँकेका प्रमुख जिल्ला अधिकारी रमेशकुमार केसीले प्रशासनमा नियमित रुपमा वैवाहिक अंंगीकृतको नागरिकता प्रदान गर्ने काम भइरहेको जानकारी दिनुभयो ।

जिल्ला प्रशासन कार्यालयको तथ्यांक अनुसार आर्थिक वर्ष २०७४÷७५ मा जिल्ला प्रशासन कार्यालय बाँकेबाट ७ सय २५, इलाका प्रशासन कार्यालय नरैनापुरबाट ५० र इलाका प्रशासन कार्यालय कोहलपुरबाट २५ जना गरि एक वर्षमा आठ सयजना भारतीय महिलाले नेपाली पुरुषसँग विवाह गरेपछि वैवाहिक अंगीकृतको नागरिकता प्राप्त गरेका हुन् ।

पछिल्लो समय वैवाहिक अंगीकृतको नागरिक पाउने महिलाको संख्या बढीरहेको कार्यालयले जनाएको छ । प्रशासनको तथ्यांक अनुसार दुई वर्ष अघि एक वर्षमा ३ सय ८४ जनाले वैैवाहिक अंगीकृतको नागरिता पाएकोमा गएको आर्थिक वर्षमा त्यसको दोब्बर धेरैले अंगीकृत नागरिकता लिएका हुन् ।

जिल्ला प्रशासन कार्यालय बाँकेका प्रशासकीय अधिकृत खगेन्द्र पौडेलका अनुसार, जिल्ला प्रशासनबाट हरेक शुक्रबार वैवाहिक अंगीकृतको नागरिकता वितरण हुने गरेको छ । नेपाली नागरिकसँग विवाह गर्ने भारतीयले नेपाली नागरिकता पाउनका लागि विवाह दर्ता, पतिको नागरिकता, विदेशी नागरिकता त्यागेको प्रमाणसहितको निवेदन दिनुपर्छ । हुलाकमा रजिष्ट्री गरिएको पत्र र निवेदनको प्रतिलिपीलाई पनि प्रमाणको रुपमा मान्ने गरिएको छ । नेपाली नागरिकता प्राप्त गर्नेलाई प्रशासनका कर्मचारीले सपथग्रहण गराउने गरेको प्रशासकीय अधिकृत पौडेलले जानकारी दिनुभयो । प्रशासनका अनुसार सातामा ५ देखि २५ जनासम्मको निवेदन प्राप्त हुने गरेको छ ।

जिल्ला प्रशासन कार्यालय बाँकेका अनुसार एक वर्षमा वैवाहिक ८ सयसहित १६ हजार ४ सय ५१ जनाले नागरिकता पाएका छन् । यसैगरी ६ हजार १ सय ९३ जनाले प्रतिलिपि लिएका छन् ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्